+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Borysh júktemesin azaıtý: Mınıstrlik eń jıi qoıylatyn suraqtarǵa jaýap berdi

2019 jylǵy 20 shilde 12:54
Bólisińiz:
Borysh júktemesin azaıtý: Mınıstrlik eń jıi qoıylatyn suraqtarǵa jaýap berdi

NUR-SULTAN. QazAqparat – QR Eńbek jáne halyqty áleýmettik qorǵaý mınıstrligi borysh júktemesin azaıtý týraly eń jıi qoıylatyn suraqtarǵa jaýap berdi, dep habarlaıdy QazAqparat.

Uqsas jańalyqtar
Aıyppuldar men ósimpuldar qalaı keshiriledi – Erbolat Dosaev

Borysh júktemesin azaıtýǵa kim quqyly?

Tómende kórsetilgen sanattaǵy boryshker azamattardyń kepilsiz tutynýshylyq qaryzdar boıynsha boryshtyq júktemesin azaıtýǵa quqyǵy bar (2019 jylǵy 26 maýsymdaǵy jaǵdaı boıynsha):

kópbalaly otbasylar;

asyraýshysynan aırylý jaǵdaıyna baılanysty tólemder alatyn otbasylar;

múgedek balalary bar jáne 18 jastan asqan bala kezinen múgedek balalary bar otbasylar;

ataýly áleýmettik kómek alatyn otbasylar;

jetim balalar;

ata-anasynan kámelettik jasqa tolǵanǵa deıin aıyrylǵan, 29 jasqa tolmaǵan ata-anasynyń qamqorlyǵynsyz qalǵan balalar

Bul rette tutynýshylyq qaryz sharttary boıynsha jalpy bereshek somasy 2019 jylǵy 1 maýsymdaǵy jaǵdaı boıynsha 3 mıllıon teńgeden aspaýǵa tıis.

Tutynýshylyq kredıtterdi óteý mehanızmi qandaı?

Eńbek jáne halyqty áleýmettik qorǵaý mınıstrligi atalǵan sanattarǵa sáıkes keletin azamattardyń tizimin qalyptastyrady. Bul tizim «Memlekettik kredıttik bıýro» AQ-ǵa usynylady, ol Ekinshi deńgeıdegi banktermen (EDB) jáne mıkroqarjy uıymdarymen (MQU) ózara is-qımyl jasaı otyryp, boryshkerler tizimin qalyptastyrdy, bereshek somany eseptep, aqparatty Problemalyq nesıeler qoryna beredi.

Qor árbir EDB-men jáne MQU-men 2019 jylǵy 9 tamyzǵa deıin bereshekti óteý týraly kelisim jasaıdy.

Sondaı-aq, atalǵan tizim negizinde Problemalyq kredıtter qory ótinim qalyptastyryp Eńbek jáne halyqty áleýmettik qorǵaý mınıstrligine qarjylandyrý úshin usynady. Mınıstrlik úsh jumys kúni ishinde qarajatty Qorǵa aýdarady.

2019 jylǵy 2 qyrkúıekke deıin Qor bankter men mıkroqarjy uıymdarynyń shottaryna aqsha aýdaryp, azamattardyń qaryzdaryn 2019 jylǵy 5 qyrkúıekke deıin óteıdi de, boryshkerlerdi bereshektiń ótelgeni jáne bereshek qaldyǵynyń mólsheri týraly habardar etedi.

EDB jáne MQU 2019 jylǵy 9 qyrkúıekke deıin qaryzdar boıynsha tólemder grafıgin qaıta qaraýdy júzege asyrady jáne Qorǵa árbir boryshker boıynsha bereshektiń ótelgeni jáne onyń qaryzy týraly aqparat usynady.

Qor 2019 jylǵy 13 qyrkúıekke deıin QR Ulttyq Banki men QR Eńbek jáne halyqty áleýmettik qorǵaý mınıstrligine bereshekti óteýdiń júzege asyrylǵandyǵy týraly aqparatpen qosa adamdardyń tizimin usynady.

Borysh júktemesi azaıtylǵan adamdardyń sanatyna jatatynymdy qalaı bile alamyn?

Boryshkerler tizimin qalyptastyrý ótinish berýshiniń qatysýynsyz memlekettik organdardyń aqparattyq júıeleri arqyly júzege asyrylatyn bolady.

2019 jylǵy 18 qyrkúıekten bastap, barlyq rásimder aıaqtalǵannan keıin bereshekti óteý jónindegi aqparatty «Azamattarǵa arnalǵan úkimet» memlekettik korporatsııasyna habarlasý nemese «elektrondyq úkimet» egov.kz veb-portaly arqyly alýǵa bolady.

Áleýmettik statýsty «elektrondyq úkimet» veb-portalyndaǵy tıisti qyzmetti paıdalana otyryp bilýge bolady. Qyzmet 2019 jylǵy 22 shildeden bastap qoljetimdi.

Eger otbasynyń bir múshesinde birneshe qaryz bolsa, tutynýshylyq kredıtti óteý sharttary qandaı?

Birinshiden, tutynýshylyq qaryzdardyń barlyq sharttary boıynsha jalpy bereshek somasy 2019 jylǵy 1 maýsymdaǵy jaǵdaı boıynsha 3 mıllıon teńgeden aspaýǵa tıis.

Ekinshiden, bir qaryz alýshyǵa qaryzdyń jalpy somasynyń 300 myń teńgege deıingi bereshegi óteledi.

Mysaly, AÁK alatyn otbasynda otbasy múshesiniń bireýine resimdelgen jalpy somasy 2,5 mıllıon teńge mólsherinde eki tutynýshylyq kredıti bar. Bul jaǵdaıda eki kredıt boıynsha jalpy somasy 300 myń teńgege deıingi bereshek óteletin bolady.

Eger otbasynyń birneshe múshesinde tutynýshylyq kredıt bolǵan jaǵdaıda qaryz qalaı óteledi?

Eger otbasynyń birneshe múshesinde kredıt bolsa, ıaǵnı qaryz sharttary árqaısysyna bólek jasalsa, onda bereshekti óteý árbir qaryz sharty boıynsha júzege asyrylady.

Mysaly, eger otbasynyń eki múshesine eki kredıt resimdelgen bolsa, onda árbir qaryz sharty boıynsha olar 300 myń teńgege deıin óteýge quqyly. ıAǵnı, bereshekti óteýdiń jalpy somasy - otbasynyń eki múshesine 600 myń teńge.

Tutynýshylyq qaryzdar boıynsha bereshekti óteýdiń basymdyqtary qandaı?

Kredıttik bıýro negizgi borysh pen syıaqy boıynsha bereshekti óteý júzege asyrylatyn boryshkerlerdi jáne olardyń qaryzdary men (nemese) mıkrokredıtterin aıqyndaıdy jáne mynadaı basymdyqtardy eskere otyryp, tóleýge arnalǵan tizimdi qalyptastyrady:

- birinshi kezekte jyldyq tıimdi syıaqy mólsheri eń kóp qaryzdar jáne (nemese) mıkrokredıtter boıynsha bereshek óteledi;

- ekinshi kezekte 2019 jylǵy 1 maýsymdaǵy jaǵdaı boıynsha negizgi borysh jáne syıaqy boıynsha eń kóp bereshegi bar qaryzdar jáne (nemese) mıkrokredıtter boıynsha bereshek óteledi;

- úshinshi kezekte qaryz jáne (nemese) mıkrokredıt shartyn jasaý merzimi anaǵurlym erte qaryzdar jáne (nemese) mıkrokredıtter boıynsha bereshek óteledi.

Borysh júktemesin azaıtý merzimi qandaı?

Tutynýshylyq qaryzdar boıynsha bereshekti óteý protsesin 2019 jyldyń qyrkúıek aıynda aıaqtaý josparlanýda.

Aıyppuldar men ósimpuldar kimge jáne qalaı keshiriledi?

QR Prezıdentiniń Jarlyǵyna sáıkes aıyppuldar men ósimpuldarǵa keshirý kepilsiz tutynýshylyq qaryzdary bar Qazaqstan Respýblıkasynyń barlyq azamattaryna júrgiziledi.

QR Ulttyq Banki Basqarmasynyń qaýlysyna sáıkes EDB jáne MQU bereshekti keshirýdi eseptelgen turaqsyzdyq aıyby boıynsha (ósimpuldar men aıyppuldar) 2019 jylǵy 30 shildege deıingi merzimde júzege asyrady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT