Bolat Jámishev «Samuryq-Qazyna» dırektorlar keńesiniń quramyna endi
2022 jylǵy 5 shilde 10:14

Bolat Jámishev «Samuryq-Qazyna» dırektorlar keńesiniń quramyna endi

NUR-SULTAN. QazAqparat - «Samuryq-Qazyna» ulttyq ál-aýqat qory» AQ qoǵamdyq keńesiniń tóraǵasy Bolat Jámishev dırektorlar keńesiniń múshesi, qordyń táýelsiz dırektory bolyp saılandy, dep habarlaıdy QazAqparat qordyń saıtyna silteme jasap.

Qoǵamdyq keńes basshysyn dırektorlar keńesiniń quramyna engizý - «Samuryq-Qazyna» qorynyń qyzmetine baqylaýdy kúsheıtý baǵdarlamasynyń bir bóligi.

«Samuryq-Qazyna» AQ qoǵamdyq keńesi 2021 jyldyń jeltoqsanynda kandıdattardy ashyq konkýrspen irikteý arqyly quryldy.

Onyń quramynda on adam bar: jeti azamattyq qoǵam ókili jáne qordyń úsh ókili.

Keńes bas qordyń, onyń portfeldik kompanııalarynyń da qyzmetine qoǵamdyq baqylaý júrgizedi.

Keńes músheleriniń jumysy qoǵamdyq bastamalar negizinde júzege asady.

Osy jyldary Bolat Jámishev Qarjy mınıstri, Óńirlik damý mınıstri, Ulttyq bank tóraǵasynyń orynbasary, Qarjy uıymdaryn retteý jáne qadaǵalaý agenttiginiń tóraǵasy, Eýrazııalyq damý banki basqarma tóraǵasynyń orynbasary qyzmetterin atqardy.

Ekonomıka ǵylymdarynyń kandıdaty.


Foto: www.sk.kz


Jańalyqtar

Úrdis

MURAǴAT