Bolat Jámishev Prezıdentke «Qazaqstan halqyna» qorynyń jumysy týraly esep berdi
2022 jylǵy 13 maýsym 18:16

Bolat Jámishev Prezıdentke «Qazaqstan halqyna» qorynyń jumysy týraly esep berdi

NUR-SULTAN. QazAqparat - Memleket basshysy Qasym-Jomart Toqaev «Qazaqstan halqyna» qorynyń tóraǵasy Bolat Jámishevti qabyldady, dep habarlaıdy Aqorda.

Prezıdentke Qordyń azamattarǵa kórsetken kómegi boıynsha esebi, sondaı-aq qaıyrymdylyq qyzmetti uıymdastyrý joldary jóninde aqparat berildi.

Bolat Jámishevtiń aıtýynsha, qazir Qor 10 qaıyrymdylyq baǵdarlama men jobany júzege asyryp jatyr. Atap aıtqanda, olardyń segizi medıtsınalyq kómek kórsetýge, bireýi aýyl balalary úshin sport salasyndaǵy áleýmettik jaǵdaıdy jaqsartýǵa baǵyttalsa, taǵy biri aýyldyq jerlerden shyqqan talapkerler men az qamtylǵan otbasylardyń stýdent balalaryna bilim granttaryn berýdi qarastyrady.

Qasym-Jomart Toqaev Qordyń maqsatty baǵyttaryn anyqtaýǵa qoǵam men qoǵamdyq ınstıtýttardy belsendi túrde tartý qajet ekenine basa mán berdi.

Bolat Jámishevtiń aıtýynsha, Qor jańadan tolyqtyrylǵan Tujyrymdamany jáne Qaıyrymdylyq baǵytyndaǵy baǵdarlamalar men jobalar ázirleýdi qolǵa aldy.

Qor tóraǵasynyń aıtýynsha, barlyq atqarylyp jatqan jumystar týraly tolyq aqparat qoǵam nazaryna usynylady.


Seriktester jańalyqtary

Jańalyqtar

Úrdis

MURAǴAT