Bolat Baıshýaqov Qazaq gaz óńdeý zaýytyna basshy boldy
ASTANA. QazAqparat - «Qazaq gaz óńdeý zaýyty» JShS (QazGÓZ) dırektory bolyp Bolat Baıshýaqov taǵaıyndaldy. Bul týraly QazAqparat QazMunaıGaz kompanııasyna silteme jasap habarlaıdy.
B. Baıshýaqov osyǵan deıin QazGÓZ bas ınjeneri — dırektordyń orynbasary laýazymdaryn atqaryp, zaýyttyń óndiristik qyzmetin uıymdastyrýǵa jaýapty boldy.
«QazMunaıGaz «Barlaý Óndirý» AQ qurylymynda jumys tájirıbesi bar, onda QazGÓZ-diń óndiristik qyzmetine jetekshilik etti. «SNPS-Aqtóbemunaıgaz» AQ Jańajol munaı-gaz óńdeý kesheninde 20 jyldan astam jumys istep, eńbek jolynda tehnologııalyq qondyrǵylar operatorynan kásiporynnyń bas tehnologyna deıingi barlyq satydan ótti.
Al «Qazaq gaz óńdeý zaýytynyń» burynǵy bas dırektory Naqbergen Amanbaıuly Tólepov QazGÓZ dırektorynyń orynbasary — Jańaózen qalasynda salynyp jatqan jańa gaz óńdeý zaýytynyń dırektsııa basshysy laýazymyna aýysty.
Foto: «QazMunaıGaz» UK» AQ baspasóz qyzmeti
