+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Bolat Baqaýovtyń úıine baqylaý ornatyldy

2020 jylǵy 19 aqpan 18:26
Bólisińiz:
Bolat Baqaýovtyń úıine baqylaý ornatyldy

PAVLODAR. QazAqparat – Laýazymyn asyra paıdalanǵany úshin aıyptalǵan Pavlodar oblysynyń eks-ákimi Bolat Baqaýovtyń úıine baqylaý qoıyldy, dep habarlaıdy QazAqparat tilshisi.

Eske sala keteıik, búgin QR QPK talaptaryna sáıkes eks-ákimge qatysty bultartpaý sharasy úı qamaýynda ustaýǵa ózgertildi.

«Aıta ketsek, Bolat Baqaýov Pavlodar oblysynyń ákimi qyzmetinen bosatyldy, tergeý qujattaryna qol jetkize almaıdy jáne qylmystyq isti obektıvti tergeýge kedergi bola almaıdy. Qamaýda bolǵanyna baılanysty densaýlyǵy nasharlap ketti», - dep habarlady Pavlodar oblystyq sotynyń baspasóz qyzmeti tilshilerge.

Osy jaǵdaılardy, sondaı-aq Bolat Baqaýovtyń Pavlodarda turǵylyqty jeri bar ekenin, buryn sottalmaǵanyn eskere otyryp, sot bultartpaý sharasyn jeńildetý týraly sheshim qabyldady.

Sot otyrysyna qatysqan Pavlodar oblystyq prokýratýrasynyń prokýrory bultartpaý sharasyn ózgertý týraly sheshimdi qoldady.

«Osyǵan baılanysty sotqa deıingi tergeý organynyń bultartpaý sharasyn úı qamaýyna ózgertý týraly ótinishi qanaǵattandyryldy. Qaýlyǵa shaǵym túsken joq», - dep tolyqtyrdy sottaǵylar.

Buryn habarlanǵandaı, Pavlodar qalasynyń mamandandyrylǵan tergeý sotynyń 18 aqpandaǵy qaýlysymen Qazaqstan Respýblıkasy Bas prokýratýrasynyń qylmystyq qýdalaý qyzmetiniń bastyǵymen kelisilgen jedel tergeý toby basshysynyń Pavlodar oblysynyń burynǵy ákimi B. J. Baqaýovqa qatysty QK 362-babynyń tórtinshi tarmaǵynda (bılikti nemese laýazymdyq ókilettikterdi asyra paıdalaný) kózdelgen qylmysty jasaǵany úshin kúdiktige qatysty bultartpaý sharasyn ózgertý týraly ótinishi qanaǵattandyryldy.

Buryn qabyldanǵan qamaýda ustaý sharasy úı qamaýyna ózgertildi.

Bolat Baqaýov QPK 146-babynyń ekinshi tarmaǵynda kózdelgen erejelerdi saqtaıdy: turǵynjaıdan barlyq ýaqytta nemese belgili bir ýaqytta shyǵýǵa tyıym salynǵan, osy bóliktiń 5 tarmaǵynda kózdelgen jaǵdaılardy qospaǵanda, telefonmen sóılesýge, hat-habar jóneltýge jáne baılanys quraldaryn paıdalanýǵa shekteý qoıylǵan.

Belgili bir adamdarmen aralasýǵa jáne kimdi bolsa da úıinde qabyldaýǵa tyıym salynǵan. Baqylaý maqsatyndaǵy telefon qońyraýlaryna nemese ózge de baqylaý sıgnaldaryna jaýap bere alady. Anyqtaý organyna nemese kúdiktiniń, aıyptalýshynyń nemese sottalýshynyń minez-qulqyn qadaǵalaýdy júzege asyratyn basqa da organǵa telefon shalý nemese olarǵa belgili bir ýaqytta jeke óziniń kelý mindetterin júkteı alady.

Eske sala ketsek, QR UQK Pavlodar oblysy ákimine qatysty qylmystyq is qozǵady .

Avtor: Anton Gagarın


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT