Bolat Baqaýov «Nur-Sultan-Pavlodar» avtobanyna baǵa berdi

NUR-SULTAN. QazAqparat – Pavlodar oblysynyń ákimi Bolat Baqaýov «Nur-Sultan-Pavlodar» avtobanymen elordaǵa qalaı jetkenin aıtyp berdi, dep habarlaıdy QazAqparat tilshisi.

«Keshe osy jolmen 3 saǵat 20 mınýtta keldim, eshkim arnaıy alyp júrgen joq. Jol óte jaqsy, eki jerde – Shiderti men Qalqamanda áli jumystar júrip jatyr. Cońǵy usaq-túıek jumystar qaldy. Qazir jol salynyp bitti, men aıtqan eki ýchaskeden bólek, aınalma jol joq», - dedi B. Baqaýov Ortalyq kommýnıkatsııalar qyzmetinde ótken baspasóz máslıhatynda.

Sonymen birge, ákim Nur-Sultanǵa qyzmettik kólikpen kelgenin aıtty.

Eske sala ketsek, «QazAvtoJol» UK» AQ «Nur-Sultan-Pavlodar» avtobanynyń 1 jeltoqsanda ashylatynyn habarlaǵan edi.

Pavlodar oblysynyń ákimi Bolat Baqaýov elordada 2019 jyldyń 10 aıyndaǵy óńirdiń áleýmettik-ekonomıkalyq damýy týraly esep berdi.