+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Bolashaqta bilikti dáriger bolǵym keledi – 136 ball jınaǵan talapker

2020 jylǵy 2 shilde 19:02
Bólisińiz:
Bolashaqta bilikti dáriger bolǵym keledi – 136 ball jınaǵan talapker

ORAL. QazAqparat – Bıylǵy UBT qorytyndysynda daryndy balalarǵa arnalǵan mamandandyrylǵan S. Seıfýllın atyndaǵy №11 oblystyq qazaq mektep-ınternat kesheniniń túlegi Gúlnur Tilegenova 136 ball jınady. Bul – oblys boıynsha eń joǵary kórsetish. QazAqparat tilshisi osyndaı tabysqa qol jetkizgen Gúlnur Nurymqyzymen suhbattasqan edi.

Uqsas jańalyqtar
Ekinshi tolqynǵa daıyndyq: qosymsha dári-dármek, qazaqstandyq vaktsına Almatylyqtar koronavırýstyń bolýy yqtımal jańa tolqynyna qalaı daıyndalyp jatyr Shymkenttegi 11 jastaǵy oqýshydan koronavırýs anyqtaldy

-Gúlnur, óz qatarlastaryń at qosqan bilim báıgesinde maǵdaıyń jarqyrap, joǵary ball jınaýyń tyńǵylyqty daıyndyqtyń nátıjesi ǵoı, aldymen osyǵan toqtala ketseń?

-Men UBT-ǵa belgili bir ýaqyttan bastap daıyndaldym dep aıta almaımyn. Oraldaǵy bilimniń mańdaıaldy qara shańyraǵy – №11 mektepke túskennen bastap jaqsy oqýǵa tyrystym. 7-synypta baǵytpen oqytý bastaldy, sol kezde hımııa-bıologııa baǵytyna emtıhan tapsyrdym. Óıtkeni medıtsına mamany bolýdy armandadym, onyń qanshalyqty qıyn ári jaýapkershiligi zor mamandyq ekenin eskerip, sabaqtarymdy qaldyrmaı, ýaqtyly oqydym. Úı jumystarymen túngi 1-2-ge deıin otyrǵan kezderim boldy, sol eńbegim aqtaldy. Jáne eshbir kýrsqa qatyspaı-aq joǵary nátıje kórsetýge bolatynyn dáleldedim dep oılaımyn.

-Qandaı mamandyqty, qaı joǵary oqý ornyn tańdadyń, bolashaqtaǵy arman-maqsattaryń jóninde aıtsań?

-Armandarym týraly áńgime aıtqanym ózime unaıdy, sebebi bolashaqty kózime elestetip, ishimde bir tolqý sezimi paıda bolady. Men ózimdi medıtsına mamany retinde kóremin. Ásirese, hırýrgııaǵa qyzyǵamyn. 7-synypta armanym bolǵan nárseniń bári búginde maqsatyma aınalǵanyna qýanyshtymyn. Men elimizdegi aldyńǵy qatarly JOO-lardyń biri S.Asfendııarov atyndaǵy Qazaq ulttyq medıtsına ýnıversıtetine túsýdi josparlap otyrmyn. Búgin psıhometrııalyq test tapsyrdym. Jalpy medıtsına fakýltetin tańdadym. Bolashaqta bilikti dáriger bolyp elimizdegi medıtsına salasyn damytýǵa úles qosqym keledi. Aq jeleńdi jandardyń ómirde qandaı ról atqaratynyn qazirgi indetke baılanysty týyndaǵan qıyn jaǵdaı kórsetip otyr. Eń bastysy, adamdarǵa qolushyn sozyp, arashashy bolǵanǵa ne jetsin!

-Bilim deńgeıiniń joǵary bolýyna ustazdaryń da kómektesken bolar, kimderdi erekshe bólip atar ediń?

-Árıne, meniń osyndaı oqýshy bolyp qalyptasýym – ustazdarymnyń arqasy. Bizdiń mekteptiń muǵalimderiniń bári myqty. UBT-ǵa daıyndaǵan Arman Sansyzbaıulyna alǵysymdy aıtqym keledi. Mektep jaýapty bolmasa da, baıqaý synaqtaryn ótkizip, daıyndyq jumystaryn júrgizdi. Jyldyń úzdik ustazy atanǵan Gúlmıram Qýanyshqyzy – meniń de úlgi tutar adamym. Sol kisiniń kómegimen matematıkalyq saýattylyqtan 20 baldyń 20-syn jınadym. Beıindik pánderge keletin bolsaq, bıologııadan Abylaıhan Toqshylyquly men Erbol Qulmyrzaulyna, hımııadan Elmıra Beısembaıqyzy men Aıajan Temirálıeva apaıyma rızashylyq bildiremin.

-Talapkerler tyıym salynǵan quraldardy qoldanǵan jaǵdaıda test nátıjesi joıylady, tipti grantynan aıyrylady, árkim óz bilimine sengeni jón ǵoı, osy týrasynda ne aıtar ediń?

-UBT-ǵa osy jyly engizilgen erejelerdi tolyqtaı qoldaımyn. Barlyǵy ádil túrde ótýi kerek. Durys aıtasyz, árkim tek qana óz bilimine sengeni jón. Biz mektep bitirip, úlken ómirge qadam basqaly jatyrmyz, osy jolǵa arymyz taza bolyp tússek, týra joldan taımaýǵa jasaǵan alǵashqy qadamymyz dep esepteımin. Osy oraıda ádil UBT ótkizgeni úshin jáne karantın ýaqytynda oqýshylarǵa túrli nusqalardy tegin oryndaýǵa múmkindik bergeni úshin M.Ótemisov atyndaǵy Batys Qazaqstan memlekettik ýnıversıteti janyndaǵy ulttyq testileý ortalyǵynyń dırektory Dıdar Smaǵulov myrzaǵa alǵysymdy aıtamyn.

Eske sala keteıik, Batys Qazaqstanda 5 myńǵa jýyq talapkerdiń UBT synaǵynan ótkenin jazǵan bolatynbyz.



Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT