+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

«Bolashaq» túlegi Prezıdenttik kadrlyq rezervke ne úshin qatysqanyn aıtty

2020 jylǵy 21 qańtar 11:41
Bólisińiz:
«Bolashaq» túlegi Prezıdenttik kadrlyq rezervke ne úshin qatysqanyn aıtty

NUR-SULTAN. QazAqparat – Prezıdenttik kadrlyq rezervke engen jastardyń biri – qaraǵandylyq Ulybek Qımanov. «Bolashaq» baǵdarlamasy boıynsha AQSh-ta oqyp kelgen azamat QazAqparat tilshisine ne úshin kadrlyq rezervke ótinim bergenin áńgimelep berdi.

Uqsas jańalyqtar
Eńbek jolyńdy aýyldan bastaýdyń esh kemshiligi joq – jas dáriger Kadrlyq rezerv ókili BQO-da basshylyq qyzmetke taǵaıyndaldy Túrkistan oblysynda 20-ǵa jýyq maman Prezıdenttiń kadr rezervine alynǵan

Jasy otyzdan asqan Ulybek Qımanov osydan on jyl buryn «Bolashaq» baǵdarlamasy boıynsha AQSh-tyń Arızon memlekettik ýnıversıtetin qalalyq jobalaý boıynsha bakalavryn bitirgen. Osydan keıin bilimin L.Gýmılev atyndaǵy Eýrazııa ulttyq ýnıversıtetinde qurylys salasy boıynsha magıstrlik bilim alǵan. 2013-2016 jyldary Nazarbaev Ýnıversıtetinde jobalardy basqarý keńsesinde eńbek etse, odan soń «Talan Towers» kompanııasynda qurylys alańdaryn basqarǵan. Taǵy eki jyl «Kaskad» bıznes-ortalyǵynda basshylyq qyzmette bolǵan. Elordadaǵy Máńgilik el qaqpasy, Botanıkalyq baq jobalaryn jasaýda atsalysqan.

«Prezıdenttik kadrlyq rezervke ótkennen keıin oblystardan birshama usynys túsip jatyr. Atap aıtqanda, Shyǵys Qazaqstan, Túrkistan, Qostanaı, Qaraǵandy oblystaryndaǵy ákimdiktiń qurylymdarynan jumys usynyldy. Mamandyǵyma saı qurylys basqarmasyna, keı óńirdiń ishki saıasat basqarmasyna shaqyryldym. Sonymen birge, Nur-Sultan qalasy men Ulttyq bankten bir usynystan keldi. Jaqynda «Astana LRT» kompanııasynyń basshysymen kezdestim. Ulttyq bank basshysymen de kezdesýdi kútip júrmin. Qalǵan usynystar boıynsha oılanyp kórsem deımin. Ár usynystyń men úshin mańyzy zor», - deıdi ol.

Ulybek Qımanov túpkilikti sheshim qabyldaý úshin oılanyp júrgenin aıtady.

«Prezıdenttik kadrlyq rezerv týraly alǵash aqparatty estigen kezde Memleket basshysynyń ıdeıasy birden kóńilimnen shyǵyp, kóp oılanbaı tapsyryp kórýdi jón dep sheshtim. Eger salalyq jobalarǵa atsalysýǵa múmkindik týyp jatsa, memleketke paıdaly bola alsam, onda álbette, bul jolda qyzmet etkim keledi. Sebebi, qazir jeke sektorda eńbek etemin. 10 jyldyq tájirıbemdi, bilim-biligimdi memlekettik jobalarǵa jumsaı alamyn. Sol sebepti, memlekettik qyzmette eńbek etýge nıettimin», - dedi Ulybek Qımanov.

Eske sala ketsek, osydan birneshe kún buryn Aqordada Memleket basshysy Qasym-Jomart Toqaev Prezıdenttiń kadr rezervine engen 300 jaspen kezdesý ótkizgen bolatyn. Jıynda Qasym-Jomart Toqaev el jastaryna úndeý joldady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT