Bolashaq ofıtser gir sportynan álem chempıony atandy
2022 jylǵy 6 shilde 17:14

Bolashaq ofıtser gir sportynan álem chempıony atandy

PETROPAVL. QazAqparat – Qazaqstan ulttyq quramasy sapynda óner kórsetken soltústikqazaqstandyq sportshy Bishkekte ótken álem chempıonatynda gir sportynan jeńimpaz atandy, dep habarlaıdy QazAqparat tilshisi.

Qyrǵyz Respýblıkasynyń Bishkek qalasynda 1-4 shilde aralyǵynda gir sportynan jasóspirimder arasynda álem chempıonaty ótti (U-16; U-18). Dúbirli dodaǵa álemniń túkpir-túkpirinen 200-den astam sportshy qatysty. Bul chempıonatta elimizdiń sportshylary da óner kórsetti. Qazaqstan ulttyq quramasy sapynda Ulttyq ulan Akademııasynyń 1 kýrs kýrsanty Almas Isenov te boldy.

QR Ulttyq ulany Akademııasy baspasóz qyzmetiniń málimetinshe, bolashaq ofıtser sporttyq sheberliktiń joǵary deńgeıin jáne jeńiske degen erik-jigerdi kórsetti. Nátıjesinde Reseı, Ózbekstan, Qyrǵyzstan, Úndistan, Belarýs, Túrikmenstan jáne Pákistan sportshylaryn senimdi túrde jeńdi.

Jarystyń ekinshi kúniniń qorytyndysy boıynsha 68 kelige deıingi salmaq dárejesinde Almas Isenov 24 kelilik eki gir tasyn 132 ret kóterip, osy salmaq dárejesinde álem chempıony atandy.

Aıta ketý kerek, bul Almastyń halyqaralyq chempıonattardaǵy alǵashqy jeńisi emes. Ol gir sportynan respýblıkalyq jáne halyqaralyq jarystardyń birneshe dúrkin júldegeri.

Buǵan deıin petropavldyq egiz bala Raýan men Narıman Bekimovterdiń Bishkekte ótken chempıonatta grek-rım kúresinen álem chempıony atanǵanyn aıtqan edik.



Uqsas jańalyqtar

Jańalyqtar

Úrdis

MURAǴAT