«Bolashaq» qondyrǵysynda búlingen qubyrdyń bir bóligi shetelge saraptamaǵa jiberildi
2022 jylǵy 14 tamyz 15:26

«Bolashaq» qondyrǵysynda búlingen qubyrdyń bir bóligi shetelge saraptamaǵa jiberildi

ATYRAÝ. QazAqparat – Atyraý oblysyndaǵy «Bolashaq» munaı men gazdy keshendi daıyndaý qondyrǵysynda búlingen qubyrdyń bir bóligi shetelge saraptamaǵa jiberildi.

Bul týraly Energetıka mınıstri Bolat Aqsholaqov málim etti, dep habarlaıdy QazAqparat.

Energetıka mınıstri Bolat Aqsholaqovtyń aıtýynsha, «Bolashaq» qondyrǵysynda «Qashaǵan» munaıyn eksporttaýǵa daıyndalady. Jaqynda bul qondyrǵydaǵy jaryq paıda bolǵan jáne isten shyqqan qubyrdyń bir bóligi saraptamadan ótkizý úshin shetelge jiberilgen.

«Bul qondyrǵynyń qurylysy salynǵannan keıin jabdyqtar uzaq ýaqyt turyp qaldy. Sebebi, «Bolashaq» qondyrǵysy iske qosylmaı, biraz jyl turdy. Bul qubyrǵa baılanysty týyndaǵan edi. Atalǵan qondyrǵyda 2012 jyldan beri osyndaı problema týyndady. Buǵan agressıvti orta, kúkirtsýtektiń joǵary mólsheri áser etti. Qazir qubyrdyń buzylǵan bóligi kesilip, shetelge saraptamaǵa jiberildi. Biz endi qubyrdaǵy jaryqtyń paıda bolý sebebin anyqtaıtyn qorytyndyny kútip otyrmyz», -dep málim etti Bolat Aqsholaqov.

Mınıstrdiń aıtýynsha, «Bolashaq» munaı men gazdy keshendi daıyndaý qondyrǵysy keshendi túrde tekseriledi. Bul – shamamen 24 qubyr.

«Qondyrǵydaǵy qubyrdyń barlyǵy tekseriledi. Sodan keıin naqty sheshim qabyldanady. Ázirge zaýyt gazdy aldyn-ala aıyratyn Slug Catcher qondyrǵysyn ornatpaı, jumys isteı alady. Qosalqy bólshekter men shyǵyn materıaldary bar», -dedi Bolat Aqsholaqov.

Eske sala ketelik, budan buryn Atyraý oblysyndaǵy «Bolashaq» qondyryǵsynda «Qashaǵan» munaıyn daıyndaý toqtap turǵanyn jazǵan edik.

Foto: primeminister.kz





Uqsas jańalyqtar
Seriktester jańalyqtary

Jańalyqtar

Úrdis

MURAǴAT