«Bolashaq» baǵdarlamasynyń baǵytyn qaıta qaraımyz - Prezıdent
2022 jylǵy 21 qańtar 14:38

«Bolashaq» baǵdarlamasynyń baǵytyn qaıta qaraımyz - Prezıdent

NUR-SULTAN. QazAqparat – QR Prezıdenti Qasym-Jomart Toqaev «Bolashaq» baǵdarlamasynyń baǵytyn qaıta qaraý kerek dep esepteıdi. Bul týraly ol Qazaqstannyń iri bıznesmenderimen kezdesýde aıtty, dep habarlaıdy QazAqparat tilshisi.

«Jalpy, elimizdegi bilim berý júıesin qaıta formattaǵym keledi. Biz ekonomısterdi, zańgerlerdi, menedjerlerdi jáne t.b. mamandyq ıelerin tym kóp shyǵaryp jatyrmyz. Qazir bilim salasyn tehnıkalyq arnaǵa túsirýimiz kerek. «Bolashaq» baǵdarlamasyn qaıta baǵdarlaımyz. Jastardy tehnıkalyq joǵary oqý oryndarynda oqýǵa, sonyń ishinde Reseıge, bálkim tipti eń aldymen, Reseıge jiberetin bolamyz», - dedi Memleket basshysy.

Qasym-Jomart Toqaev Parlament Májilisiniń 11 qańtardaǵy jalpy otyrysynda qazir Qazaqstanǵa ınjenerlik biliktiligi bar mamandar aýadaı qajet ekenin aıtqan bolatyn.

«Jalpy bárimizge bilim týraly kózqarasymyzdy ózgertý qajet. Gýmanıtarlyq mamandyqtarmen áýestený kezeńi kelmeske ketti. Basymdyqty tehnıkalyq mamandyqtarǵa berý qajet. Injenerler men ónerkásip ókilderiniń jańa býynyn ósirip shyǵarý qajet bolyp tur», - dedi Qasym-Jomart Toqaev.


Uqsas jańalyqtar

Jańalyqtar

MURAǴAT