«Bolashaq» baǵdarlamasyna  álemniń úzdik 23 tehnıkalyq ýnıversıteti kirdi
2022 jylǵy 14 sáýir 16:46

«Bolashaq» baǵdarlamasyna álemniń úzdik 23 tehnıkalyq ýnıversıteti kirdi

NUR-SULTAN. QazAqparat - 23 jetekshi tehnıkalyq ýnıversıtet «Bolashaq» baǵdarlamasy joǵary oqý oryndarynyń tizimine kirdi, dep habarlaıdy QazAqparat.

Bıyl «Bolashaq» baǵdarlamasy granttarynyń 60%-y ınjenerlik-tehnıkalyq mamandyqtarǵa bólindi. Osyǵan oraı «Bolashaq» baǵdarlamasymen oqýǵa bolatyn joǵary oqý oryndarynyń tizimi álemniń 23 jetekshi tehnıkalyq ýnıversıtetimen tolyqty.

Olardyń qatarynda Eındhoven tehnıkalyq ýnıversıteti, Gambýrg ýnıversıteti, Lester ýnıversıteti, Pohang ǵylym jáne tehnologııa ýnıversıteti, Drezden tehnıkalyq ýnıversıteti jáne t.b.

Biz jyl saıyn ýnıversıtetterdiń geografııasyn keńeıtip otyramyz. Ótken jyly tizim Avstrııa, Chehııa, Irlandııa jáne Ońtústik Afrıka ýnıversıtetterimen tolyqty.

Jalpy tizimge QS World University Rankings, World University Rankings, Academic Rankings of World University Rankings halyqaralyq akademııalyq reıtıngteriniń 250 úzdik ýnıversıtetteri men BRÚQOA elderi ulttyq reıtıngteriniń 20 úzdik ýnıversıtetteri qataryndaǵy 27 eldiń 236 ýnıversıteti kiredi.

Joǵary oqý oryndarynyń tolyq tizimin myna jerden kórýge bolady.


Uqsas jańalyqtar

Jańalyqtar

Úrdis

MURAǴAT