+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Bolashaq ákelerge arnalǵan usynymdar jaryq kórdi

2020 jylǵy 11 qyrkúıek 17:25
Bólisińiz:
Bolashaq ákelerge arnalǵan usynymdar jaryq kórdi

NUR-SULTAN. QazAqparat – QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń bastamasymen Birikken Ulttar Uıymynyń Halyqty qonystandyrý qory (ıÝNFPA) er adamdarǵa arnalǵan usynymdaryn jaryqqa shyǵardy, dep habarlaıdy QazAqparat.

Usynymdardyń tusaýy Qazaqstanda jyl saıyn qyrkúıektiń ekinshi jeksenbisi - Otbasy kúninde kesiledi.

1994 jylǵy halyqty qonystandyrý jáne damytý jónindegi halyqaralyq konferentsııanyń (MKNR) is-qımyl baǵdarlamasy «otbasy men qoǵam ómirinde genderlik teńdikke yqpal etýge, ári er adamdardyń jynystyq jáne reprodýktıvti densaýlyǵy úshin jaýapkershiligin kóterýge baǵyttalǵan».

Sondaı-aq, joǵaryda atalǵan koferentsııa jáne basqada birqatar halyqaralyq qujat memleketke er adam men balanyń otbasyndaǵy róli, otbasylyq qundylyqtary, reprodýktıvti densaýlyqty saqtaý, turmystyq zorlyq-zombylyqpen kúresý jáne densaýlyqty nyǵaıtýǵa baǵyttalǵan baǵdarlamalar jasaýǵa múmkindik beredi.

Usynymdar kópshilik oqyrmanǵa arnalǵan, onyń ishinde otbasyn qurǵysy keletin er adamdar men bolashaq ákeler de bar. Oqyrman usynymdardan bolashaq ákelerge jaýapkershilikti seziný, erli-zaıyptylardyń reprodýktıvti densaýlyǵyn qalaı saqtaý keregin, onyń ishinde otbasyn qurýdy josparlaý, ondaǵy erlerdiń róli, júktilik jáne bosaný kezinde áıelge qalaı qoldaý kórsetý keregi, genderlik teńdikke yqpal etý jáne genderlik zorlyq-zombylyqpen kúres syndy ózekti máselelerge jaýap taba alady.

COVID-19 pandemııasy adamdarǵa qosymsha qıyndyqtar týǵyzyp, otbasyndaǵy jaǵdaıdy shıelenistire tústi.

«Ákelerdiń balalarymen jıi aralasýy tek oń sıpatqa ıe: mundaı jaǵdaıda balanyń fızıkalyq jáne psıhıkalyq densaýlyǵy myqty, úlgerimi joǵary, tanymdyq jáne kognıtıvti daǵdylary, óz-ózine senimi jáne ózbaǵalanymy joǵary bolady. Sonymen qatar, ákeleri bala tárbıesine mán beretin otbasylarda jasóspirimniń minez-qulqyna baılanysty máseleler sırek bolady. 2030 jylǵa deıingi Qazaqstan Respýblıkasyndaǵy otbasylyq-genderlik saıasat tujyrymdamasynda sanaly ákelik ınstıtýtty nyǵaıtý boıynsha birqatar sharalar qarastyrylǵan», - dedi Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy Lázzat Ramazanova.

Otbasyndaǵy zorlyq-zombylyqtyń aldyn alý strategııasynyń biri – er adamdarǵa genderlik máseleler boıynsha bilim berý jáne otbasyna qalaı qamqorlyq jasaý keregi týraly aqyl-keńes berý.Sondyqtan kitapta pozıtıvti tárbıe berý, belsendi ákeli bolý jáne zorlyq-zombylyqtyń aldyn alý máselelerine basa mán berilgen.

«Bul kitap áke bolýdy tarıhı-mádenı qyrynan zerttep qana qoımaı, ári ashýǵa erik bermeý, kúızeliske qarsy turý, otbasyndaǵy bereke-birlikti saqtaý, sanaly ata-ana bolý, otbasyndaǵy qarym-qatysqa quqyqtyq jaǵynan baǵa berý sııaqty ózekti máselelerdi kóteredi», - deıdi Qazaqstandaǵy Birikken Ulttar Uıymynyń Halyqty qonystandyrý qorynyń ókili Djýlııa Valeze.

Eske salaıyq, usynymdar Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń bastamasymen Birikken Ulttar Uıymynyń Qazaqstandaǵy Halyq qorynyń tehnıkalyq qoldaýymen daıyndalǵan.

Sonymen qatar, Otbasy kúni merekesinde - 13 qyrkúıekte - qazaqstandyq juldyzdy ákeler «Áketaı, Ákeshim» ániniń qazaqsha nusqasyn jaryqqa shyǵarady.

Bul jobany ıdeıalardyń avtory, prodıýser Álıhan Musataev, «101» ánshilik toby jáne BUU-nyń Halyqty qonystandyrý qorymen seriktestikte júzege asyrdy.

«Áketaı, Ákeshim» áni 2020 jyldyń 13 qyrkúıeginde, keshki saǵat 19.00-de myna silteme arqyly kórýge bolady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT