Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.82 EUR 428.67
RUB 5.86 CNY 54.95
Jańalyqtar

Bokstan Prezıdent kýbogy: Qazaqstandyqtar 18 medal enshiledi

2019 jylǵy 20 shilde 20:39 269
Bólisińiz:
Bokstan Prezıdent kýbogy: Qazaqstandyqtar 18 medal enshiledi

NUR-SULTAN. QazAqparat – Elordada Prezıdent kýbogyna arnalǵan boks týrnıri óz máresine jetti, dep habarlaıdy QazAqparat.

Ulttyq olımpıada komıetetiniń habrlaýynsha, Qazaqstan erler komandasy Prezıdent kýbogyna arnalǵan boks týrnırin jarysty 18 júldemen aıaqtaǵan. Onyń jeteý – altyn.

Atap aıtsaq, 52 kelide Sáken Bıbosynov úzdik atansa, 57 kelide Rýstam Rýstamov jeńis tuǵyryna kóterilgen. 69 kelide kánigi boksshy Abylaıhan Júsipov top jarsa, 75 kelide Azııa chempıony Tursynbaı Qulahmet el namysyn asqaqtatqan. Erik Áljanov 81 kelide jeńimpaz atanǵan. 91 kelide jas boksshy Aıbek Oralbaı osy salmaqty favorıti sanalatyn Vasılıı Levıtpen judyryqtasqan bolatyn. Tájiırbeli Vasılıı Levıt týrnır chempıony atandy. Asa aýyr salmaqta komanda kapıtany Qamshybek Qońqabaevtyń mysy bárinen basym boldy.

Týrnırdiń 7 kúmis medali de Qazaqstanda qalatyn boldy. Mahmut Sabyrhan (52 keli), Іlııas Súleımenov (57 keli), Zákir Safıýllın (63 keli), Talǵat Shaıken (69 keli), Bekzat Nurdáýletov (81 keli), Aıbek Oralbaı (91 keli) jáne Nurlan Saparbaı (+91 keli) fınalda ǵana súringen.

«Týrnır joǵary deńgeıde ótti. Kórse kóz toıatyn jekpe-jekter kóp boldy. Bul synda Abylaıhan Júsipov óz myqtylyǵyn dáleldedi. Fınalda jas sportshy Talǵat Shaıkenmen kezdesti. Shyny kerek, Júsipovtiń myqtylyǵy kózge uryp turdy. 75 kelide Tursynbaı Qulahmet jaqsy qyrynan tanyldy. Qamshybek Qońqabaev pen Vasılıı Levıt te úzdikter qatarynda. Ásirese, Azııa chempıonatyndaǵy jeńilisten soń Levıttiń babyna kelgeni baıqalady. Fınalda Aıbek Oralbaımen judyryqtasyp, jeńiske jetti. Árıne, Aıbek te berile salǵan joq. Alaıda, oǵan fızıkalyq turǵydan áli daıyndyq kerek. 57 keli jáne 81 kelide naqty kóshbasshy joq. Mamandarmen taǵy da aqyldasý qajet», - deıdi komandanyń bas bapkeri Ǵalymbek Kenjebaev.

Qorjynda taǵy 4 qola bar. Oljas Baınııazov 52 kelide, Qaırat Erálıev 57 kelide, Abzal Quttybekov 91 kelide, Nurbolat Sermahanov 91 keliden joǵary salmaqta úzdik úshtikten kórindi. Halyqaralyq týrnırdiń «Úzdik boksshy» ataǵyn Mahmut Sabyrhan alyp qaldy.

Bizdiń kanalymyzǵa jazylyńyz:

Basty sózder: Boks, Sport,
Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT