+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Bokstan QR chempıonatynyń úshinshi kúni: Alǵashqy nokaýt pen nokdaýndar legi

2020 jylǵy 25 qarasha 20:45
Bólisińiz:
Bokstan QR chempıonatynyń úshinshi kúni: Alǵashqy nokaýt pen nokdaýndar legi

ShYMKENT. QazAqparat - Bokstan Qazaqstan chempıonatynyń úshinshi kúni tartysty ótti. Sharshy alańǵa shyqqan boksshylar kelesi kezeńge ótý úshin aıanyp qalǵan joq, dep habarlaıdy QazAqparat tilshisi.

El chempıonatynyń tańerteńgi sessııasynda 69 kelige deıingi salmaqta qyzdar arasyndaǵy jartylaı fınalǵa shyqqan boksshylar aıqyndaldy. Olımpıada júldegeri almatylyq Darıǵa Shákimova men qaraǵandylyq Jasmın Qızatova, elordalyq álem chempıony Valentına Halzova men jambyldyq Baljan Asqar atalǵan salmaqtaǵy bas júldeni sarapqa salatyn boldy.

Erler arasynda 52 jáne 57 kelige deıingi salmaqta jartylaı fınalǵa buǵan deıin qatarynan ozyq shyqqan boksshylar ilikti. Atap aıtqanda, Mahmud Sabyrhan, Sáken Bıbosynov, jarysty ary qaraı jalǵastyrady. Sonymen birge olımpıadalyq lıtsenzııany ıelengen pavlodarlyq Serik Temirjanov ta jekpe-jekti ýaqytynan buryn aıaqtap, kelesi kezeńge ótti.

63 kelige deıingi salmaqta jasyndaı jarqyldap júrgen Zákir Safıýllın de búgingi synnan súringen joq. Ol da Olımpıada lıtsenzııanyń ıegeri.

Túrkistan oblysynan kelgen 25 jastaǵy boksshy Bekdáýlet Ibragımov el chempıonatyndaǵy alǵashqy jekpe-jegin almatylyq Aıtjan Áshirhanǵa qarsy ótkizdi. Kezdesý uzaqqa sozylǵan joq. 19 jastaǵy Aıtjannyń qabaǵy jyrylyp ketip, aıqasty toqtatýǵa týra keldi. Ibragımov jartylaı fınalda almatylyq Dilmurat Mıjıtovpen qolǵap túıistiredi. Mıjıtov ta qarsylasyn eki ret nokdaýnǵa jiberip, myqtylyǵyn dáleldedi.

Álem chempıonattarynyń fınalısi, Tokıo Olımpıadasynyń lıtsenııasyn alǵan Ábilhan Amanqul 75 kelige deıingi salmaqta merziminen buryn taǵy bir aıqasty aıaqtady. Onyń qarsylasy qaraǵandylyq Ersultan Sovetov alǵashqy raýndta-aq eki nokdaýn aldy. Ekinshi raýndtan keıingi nokdaýnnan soń tóreshi aıqasty toqtatyp tastady. Ábilhan kelesi kezekte 21 jastaǵy túrkistandyq boksshy Bekzat Sabyrmen ózara myqtyny anyqtaıdy. Óz kezeginde Bekzat birinshi raýndta aýyr nokaýtqa ushyratty. Bul salmaqta bas júldeden 15 jyldyq tájirıbesi bar Erik Áljanovtyń da talasy bar.

Eske salaıyq, bokstan Qazaqstan chempıonaty Shymkent qalasynda ótip jatyr.


Bizdiń kanalymyzǵa jazylyńyz:

#Sport   #Aımaq  
Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT