+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Bokstan álem chempıonyn mańǵystaýlyqtar qoshemetpen kútip aldy

2019 jylǵy 24 qyrkúıek 04:38
Bólisińiz:
Bokstan álem chempıonyn mańǵystaýlyqtar qoshemetpen kútip aldy

AQTAÝ. QazAqparat - Aqtaý áýejaıyna oblys ákimi Serikbaı Trumov bastaǵan 100-den astam mańǵystaýlyq jınalyp, bokstan álem chempıony Bekzat Nurdáýletovti kútip aldy, dep habarlaıdy QazAqparat tilshisi.

Jınalǵandardyń qoshemeti men ystyq yqylasy zor boldy. Qoldaryna plakat ustap, kók baıraǵymyzdy jelbiretken jastar «Bekzat» dep aıqaılaýmen boldy.

Ushaqtan túsken boıda shashý shashylyp, ulttyq taǵamdar usynyldy. Bekzat pen bapkeri Marat Jákıevti kútip alǵandar quttyqtaý lebizin jaýdyrdy.

Kezdesý kezinde birinshi bolyp sóz alǵan aımaq basshysy bylǵary qolǵap sheberi Bekzat Nurdáýletovke barlyq mańǵystaýlyqtardyń atynan alǵys aıtyp, shyn júrekten rızashylyǵyn bildirdi.


«Tóbemiz kókke jetkendeı boldy, qýanyshymyz qutty bolsyn! Árıne, Mańǵystaýdyń mereıin asyryp, mártebesin asqaqtatqan sport sańlaqtarymyz bar. Biraq, onyń ishinde Bekzattyń orny erekshe. Ár qarsylasyn aıqyn basymdyqpen jeńdi. Onyń ishinde kýbalyqty jeńgeni tipti keremet»,-dedi Serikbaı Trumov.


Bekzat Nurdáýletov qarsy alýǵa kelgen barlyq jankúıerler men óńir basshysyna rızashylyǵyn bildirip, «bul Jeńisti barlyq qazaqstandyqtarǵa arnaımyn» dedi.

Aıta keteıik, Bekzad Nurdáýletov 81 kg salmaqta aqtyq fınalǵa joldama alyp, keıin fınalda jeńiske jetken bolatyn.


Bizdiń kanalymyzǵa jazylyńyz:

Basty sózder: Mańǵystaý oblysy, Sport, Boks,
Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT