+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Bokstan álem chempıony aqmolalyq oqýshylardy ózin-ózi qorǵaýǵa úıretip júr

2021 jylǵy 13 qyrkúıek 13:21
Bólisińiz:
Bokstan álem chempıony aqmolalyq oqýshylardy ózin-ózi qorǵaýǵa úıretip júr

KÓKShETAÝ. QazAqparat - Kókshetaý qalalyq №2 mektep-lıtseıiniń bazasynda aqmolalyq polıtseıler uıymdastyrǵan qoıan-qoltyq urys jáne ózin-ózi qorǵaý sabaqtary sektsııasy jumysyn qaıta bastady, dep habarlaıdy QazAqparat tilshisi.

Aýmaqtyq polıtsııa departamenti baspasóz qyzmetiniń málimetinshe, úıirme jumysy vedomstvo basshysy, polıtsııa general-maıory Armanbek Baımýrzınniń bastamasymen qaıta jandanǵan.

«11 qyrkúıekte Kókshetaý qalasynyń №2 mektep-lıtseıinde qoıan-qoltyq urys jáne ózin-ózi qorǵaý sabaqtary sektsııasy óz jumysyn qaıta bastady. Jattyǵýdy tanymal sportshy, Aqmola oblysy polıtsııa departamenti Jedel áreket etýdiń arnaıy otrıadynyń ınspektory, polıtsııa kapıtany Nursultan Qosshyǵulov (boks jáne qoıan - qoltyq urys boıynsha sport sheberi, Qazaqstan Respýblıkasy chempıonatynyń fınalısti jáne júldegeri (2011, 2014, 2015, 2017 jyldar), «Astana Arlans» klýby quramyndaǵy WSB Búkilálemdik boks serııasynyń álem chempıony, Albanııa, Polsha, Reseı jáne Qazaqstan Respýblıkasyndaǵy halyqaralyq týrnırlerdiń júldegeri) júrgizedi», - dedi vedomstvonyń baspasóz hatshysy Ásem Ábdikárimova.

Aıta ketsek, sektsııa jumysy ótken jyly bastalyp, karantındik sharalarǵa baılanysty toqtatylǵan bolatyn. Endi mine, qaıta jandanyp otyr.

Mundaǵy maqsat - polıtseılerdiń oqýshylardyń boıynda otansúıgishtikti tárbıeleýge jáne nyǵaıtýǵa qatysýy, deni saý jas urpaqty tárbıeleý, oqýshylarǵa sportqa degen súıispenshilikti sińirý.

«Únemi fızıkalyq belsendilik balalardyń ımmýnıtetin jaqsartady, ártúrli aýrýlarǵa tózimdilikti arttyrady. Jattyǵýlar bulshyqetterdi, tirek-qımyl júıesin damytady jáne artyq salmaqtan aryltady. Sondaı-aq, sport júrek-tamyr jáne tynys alý júıelerine oń áser etedi. Minezdi shyńdaıdy, tártipti, balanyń erik-jigerin qalyptastyrady», - deıdi polıtsııa kapıtany, jattyqtyrýshy Nursultan Qosshyǵulov.

Alǵashqy jattyǵýǵa túrli jastaǵy 20-ǵa jýyq oqýshy qatysty, olardyń arasynda qyzdar da bar.

Balalar jattyqtyrýshy bergen tapsyrmalardy yntamen oryndady. Sport sheberi Nursultan Ómirbekuly balalarmen tanysyp, jattyǵý ótkizdi.

«Jattyǵýlar apta saıyn senbi kúnderi saǵat 10-nan 12-ge deıin tegin ótkiziledi. Sektsııaǵa 9 jastan 15 jasqa deıingi oqýshylar qatysa alady. Aqmola polıtseıleri óskeleń urpaqtyń densaýlyǵyn nyǵaıtýǵa óz úlesterin qosýǵa qýanyshty», - dep qosty Ásem Ábdikárimova.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT