Bokstan álem chempıonaty: Eralıev pen Nurdáýletov kelesi kezeńge ótti

NUR-SULTAN. QazAqparat - Reseıdiń Ekaterınbýrg qalasynda ótip jatqan bokstan álem chempıonatynda eki sańlaǵymyz jeńiske jetti, dep habarlaıdy QazAqparat tilshisi.

Uqsas jańalyqtar

Mılad Karımı álem chempıonatyn 21-shi orynmen aıaqtady

Denıs Ten memorıalynda Morıs Kvıtelashvılı top jardy Fýtzaldan Chempıondar lıgasy: «Qaırat» jáne «Aıat» elıtalyq kezeńge joldama aldy Halyqaralyq shahmat týrnırinde qazaqstandyq oqýshylar komandasy kúmis júlde aldy

Qazaqstandyq boksshylar qatarynan 81 keli salmaqta synǵa túsken Bekzat Nurdáýletov búgin venesýelalyq Nalek Korbaı Barrermen sharshy alań tórinde sheberlik baıqasty. Bekzat qarsylasyn nokdaýnǵa jiberdi. Nátıjesinde álem chempıonatynyń 1/8 fınaldyq satysyna joldama aldy. Ol budan buryn Ońtústik Koreıa boksshysy Hong Ingıden basym túsken bolatyn.

Sondaı-aq, búgin 57 kelide taǵy bir boksshymyz Qaırat Erálıev álem chempıonatyndaǵy alǵashqy kezdesýinde Venesýelanyń taǵy bir ókili Ioelıa Fınol Rıvasty tize búktirdi. Endi ol 17 qyrkúıekte 1/8 fınaldyq satysynda sharshy alańǵa shyǵady.

Búgin qazaqstandyq taǵy bir boksshy sharshy alańǵa shyǵady. 91 kelide Vasılıı Levıt slovakııalyq Davıd Mıhalekpen kezdesedi.

Bıylǵy álem chempıonatynda qazaqstandyq qurama sapynda segiz sańlaǵymyz sharshy alańǵa shyǵady. Olardyń qatarynda Sáken Bıbosynov (48 keli), Qaırat Erálıev (57 keli), Zakır Safıýllın (63 keli), Abylaıhan Júsipov (69 keli), Tursynbaı Qulahmet (75 keli), Bekzat Nurdáýletov (81 keli), Vasılıı Levıt (91 keli) jáne Qamshybek Qońqabaev (91 keliden joǵary) bar.

FOTO: olympic.kz