Bokstan Álem chempıonaty: Darıǵa Shákimova alǵashqy jeńisine jetti

ÝLAN-ÝDE. QazAqparat – Bokstan qyzdar arasynda Reseıdiń Ýlan-Ýde qalasynda ótip jatqan Álem chempıonatynda qazaqstandyq Darıǵa Shákimova alǵashqy jekpe-jeginde jeńiske jetti, dep habarlaıdy QazAqparat tilshisi.

Uqsas jańalyqtar

Bokstan álem chempıonaty: Qos boksshymyz jeńiske jetti

Men bapker ázirlegen taktıkany ustanýǵa tyrystym - Abylaıhan Júsipov Bokstan álem chempıonyn mańǵystaýlyqtar qoshemetpen kútip aldy Qazaqstan bokstan Álem chempıonatyn úshinshi orynmen aıaqtady

Darıǵa Shákimova búgin Chehııadan kelgen Martına Shmorzanovamen qolǵap túıistirdi. Nátıjesinde tóreshiler biraýyzdan qazaqstandyq boksshyny jeńimpaz tanydy. Osylaısha, Darıǵa Shákimova jarystyń 1/8 fınaldyq satysyna joldama aldy.

Darıǵa Shákimova 1988 jyly júnıege kelgen. 2016 jyly Rıo Olımpıadasynda qola júldeger atandy. Al 2010, 2015 jyldary Azııa chempıony ataǵyna qol jetkizdi.

Aıta keteıik, keshe Nazym Qyzaıbaı (51 keli) japon sportshysy Namıkı Tsýkımıden, Alýa Balqybekova (48 keli) ózbekstandyq Gúlasal Sýltonalıevadan jeńilip qalǵan edi.

Eske salaıyq, bokstan Qazaqstan qyzdar quramasynyń bas bapkeri Erik Alǵabek Álem chempıonatyna on salmaqta shákirtterin alyp bardy. Olardyń qatarynda Alýa Balqybekova (48 keli), Nazym Qyzaıbaı (51 keli), Dana Jolaman (54 keli), Aıjan Qojabekova (57 keli), Rımma Volosenko (60 keli), Mılana Safronova (64 keli), Darıǵa Shákimova (69 keli), Aqerke Baqytjan (75 keli), Farıza Sholtaı (81 keli) jáne Dına Islambekova (81 keliden joǵary) bar.