USD 434.34 EUR 491.93
RUB 5.56 CNY 68.67
Jańalyqtar

Boksshy Janqosh Turarov sot oryndaýshysyna qysym kórsetti – JSO palatasy

2021 jylǵy 5 qazan 12:18
Bólisińiz:
Boksshy Janqosh Turarov sot oryndaýshysyna qysym kórsetti – JSO palatasy

ALMATY. QazAqparat - Respýblıkalyq jeke sot oryndaýshylar palatasy sot oryndaýshysyn urǵan adam boksshy Janqosh Turarovty shaqyrǵanyn málim etti, dep habarlaıdy QazAqparat tilshisi.

Jeke sot oryndaýshylar palatasynyń málimetinshe, sot oryndaýshysy A.A.Ermekovke shabýyl Almatynyń Bostandyq aýdanyndaǵy nysandy buzý kezinde jasalǵan.

«Nysan ıesi M.N.Ysqaqov sot oryndaýshysyn býyndyryp, ǵımaratty buzýdy toqtatýdy talap etken, keıin qabyrǵasy men ókpe tusynan urǵan. Soqqy polıtsııa qyzmetkerleriniń kózinshe bolǵan. Jedel járdem dárigeri soqqynyń densaýlyqqa orta dárejede zııan keltirgenin aıtty. Polıtsııa qyzmetkerleri qashyp ketip, oqıǵa ornynda bolmaǵan»,- dep habarlady respýblıkalyq JSO palatasynan.

Sot oryndaýshysy uryp-soǵý deregi boıynsha qylmystyq is qozǵaý týraly aryz jazyp, taıaq jegennen keıin kóshege júgirip shyqqan ýchaskelik polıtsııaǵa berdi.

«Oqıǵa kezinde sot oryndaýshysyna jáne basqa adamdarǵa qysym jasaý maqsatynda Ysqaqov boksshy Turarov Janqosh Jasulanulyn shaqyrǵan. Oqıǵa ornyna kelgen boksshy sot oryndaýshysynan M.N.Ysqaqovqa qatysty polıtsııaǵa túsirgen aryzyn alýdy talap etken. Sondaı-aq, Janqosh Turarov bul áreketti zańsyzdyq dep sanap, osy úshin qorqytqan. Keıin M.N.Ysqaqov pen J.J. Turarov A.A.Ermekovke qarsy fızıkalyq soqqy kórsetip, qorqyta bastaǵan. Tikeleı qysym kórsetilip, sot aktisiniń talaptaryn oryndaýdan bas tartýǵa májbúrlegen», - dep atap ótti palatadan.

Osyndaı keleńsiz jaıt saldarynan sot oryndaýshysy qyzmetin oryndaı almady.

Buǵan deıin sot oryndaýshysy soqqyǵa jyǵylǵanyn jazǵan bolatynbyz.


Bizdiń kanalymyzǵa jazylyńyz:

#Almaty   #Sot   #Oqıǵa  
Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT