+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Bógdeniń páterine portal arqyly adamdardy turaqty tirkegen elordalyq ustaldy

2020 jylǵy 27 qazan 19:25
Bólisińiz:
Bógdeniń páterine portal arqyly adamdardy turaqty tirkegen elordalyq ustaldy

NUR-SULTAN. QazAqparat - Elorda aýmaǵynda «HI-TECH» jedel aldyn alý sharasy ótip jatyr, dep habarlaıdy QazAqparat tilshisi.

Nur-Sultan qalalyq polıtsııa departamentiniń málimetinshe, sharanyń alǵashqy kúninde quqyq qorǵaýshylar 8 kıberqylmysty áshkerelep, olarǵa qatysy bar 7 adamdy ustady.

Máselen, 12 qazanda elorda turǵyny polıtsııaǵa júginip, belgisiz bireýdiń
«Elektrondy úkimet» portaly arqyly páterine bógde adamdardy tirkep qoıatyndyǵyna shaǵym túsirdi. Osydan keıin aqparattyq júıege zańsyz aralasý faktisi boıynsha sotqa deıingi tergeý amaldary bastaldy. IP-mekenjaımen jedel izdeý sharalary barysynda polıtsııa qyzmetkerleri shaǵymdanýshynyń akkaýntyna zańsyz kirip, aqshalaı syıaqyǵa azamattardy tirkep otyrǵan 21 jastaǵy jumyssyz jigitti ustady. Kúdiktiden qylmystyq áreketin júzege asyrǵan kompıýter tárkilendi.

«Sonymen qatar bank kartasynan aqsha urlaý kúdigimen elordanyń 29 jáne 34 jastaǵy turǵyndary ustaldy. Kúdiktiler túrli syltaýmen tanystarynyń bank kartalarynyń rekvızıtterin alyp, ınternet-bankıng arqyly aqshalaryn urlaǵan. Urlanǵan aqshasomasy 385 myń teńgeni quraıdy. Kúdiktiler barlyq qarajatty sporttyq báseke tigip jibergen. Ustalǵandarǵa qatysty QR Qylmystyq kodeksi 188-baby 2-tarmaǵy boıynsha 2 qylmystyq is tergelip jatyr», - dep atap ótedi departamentten.

Munan bólek, polıtsııa qyzmetkerleri áleýmettik jeli arqyly tanysqan jigittiń atynan zańsyz onlaın nesıe rásimdegen 19 jastaǵy boıjetkendi qolǵa túsirdi. Kúdikti zardap shegýshini aldap, onyń jeke málimetterin alǵannan keıin ınternet arqyly 150 myń teńge nesıe rásimdegen. Sodan keıin akkaýntyn óshirip tastaǵan. Shaǵymdanýshy kredıt jaıynda kollektor qońyraý shalǵanda ǵana bilip, polıtsııa kómegine júgingen.

Sondaı-aq elorda aýmaǵynda avtorlyq jáne aralas quqyqty buzǵany, arnaýly tehnıkalyq quraldardy satqany jáne pornografııalyq materıaldardy taratqany úshin 3 adam ustaldy. Atalǵan faktiler boıynsha QR Qylmystyq kodeksiniń 198, 399 jáne 311-baptarymen sotqa deıingi tergeý júrgizilip jatyr. Qajetti saraptamalar taǵaıyndaldy


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT