+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Blokpostaǵy jol apaty: Aman qalǵan polıtseı oqıǵanyń qalaı bolǵanyn aıtyp berdi

2020 jylǵy 25 qyrkúıek 18:51
Bólisińiz:
Blokpostaǵy jol apaty: Aman qalǵan polıtseı oqıǵanyń qalaı bolǵanyn aıtyp berdi

ALMATY. QazAqparat – Almaty oblysynda BMW kóligimen blokposty qıratyp, 2 polıtsııa qyzmetkeriniń ólimine sebepker bolǵan júrgizýshige qatysty sot jalǵasýda, dep habarlaıdy QazAqparat tilshisi.

Azat Azamatovqa qatysty isti Qarasaı aýdandyq sotynyń sýdıasy Mádı Kóshekbaev qarap jatyr.

Búgin sotta apattan zardap shekken 26 jastaǵy polıtsııa qyzmetkeri, kapıtan Erbulan Seıdazymnan túsinik alyndy.

Jaýap alý kezinde ol sottalýshyny tanymaıtynyn málim etti. Aıtýynsha, 24 mamyr keshki saǵat 20:00-de ol kezekshilikke kelgen. Oqıǵa tańǵy saǵat 5-te bolǵan. Ol osy blokpostqa jaýapty bolǵandyqtan, kólik qozǵalysyn qadaǵalaǵan. Kólik soqtyǵysqan kezde Erkebulan Seıdazym kóshede ótip jatqan kólikterdi planshetpen bazadan tekserip turǵan.

«Blokposta 12 polıtsııa qyzmetkeri boldy. Meniń mindetim - olardy 20 mınýt saıyn tekserip otyrý. Apat tańǵy saǵat beste boldy. Ala-qula qarańǵy kez bolatyn. Kólikterdiń sany arta bastady. Men áriptesime planshet alyp kelý úshin shatyrǵa kirdim. Sol sátte joǵary jyldamdyqpen ushyp kele jatqan kólikti kórdim, «beton qorshaý bar, ol toqtaıdy» dep oıladym. Ary qaraı eshteńe esimde joq. Bir aptadan keıin, 2 maýsymda men aýrýhanada esimdi jıdym. Sol kezde bir-aq bildim ne bolǵanyn «, - deıdi Erbulan Seıdazym.

Polıtseı moraldyq zardapty óteý týraly talap aryzǵa qatysty áli oılanatynyn aıtty.

Eske sala keteıik, biz buǵan deıin Azat Azamatovtyń óz kinásin tolyq moıyndaǵanyn jazǵan bolatynbyz.

Buǵan deıin qaza bolǵan Dastan Ábdiqanovtyń áıeli Dınara Aman apatqa kináli adamnan moraldyq zııan keltirgeni úshin 37 mln teńge ótemaqy talap etken bolatyn.

Kýágerlerden jaýap alý jalǵasyp jatyr.


Bizdiń kanalymyzǵa jazylyńyz:

#Almaty   #Oqıǵa   #Zań   #Kólik  
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT