+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Blokpostaǵy kólik apaty: Júrgizýshi buryn polıtsııada jumys istegen

2020 jylǵy 26 mamyr 09:49
Bólisińiz:
Blokpostaǵy kólik apaty:  Júrgizýshi buryn polıtsııada jumys istegen

ALMATY. QazAqparat – Almaty oblysy aýmaǵyndaǵy blokposty qıratyp, eki polıtsııa qyzmetkerin mert qylǵan júrgizýshi buryn ishki ister organdarynda jumys istegen, dep habarlaıdy QazAqparat tilshisi.

BMW markaly avtokóliktiń júrgizýshisi 1994 jyly týyǵan azamat, buryn quqyq qorǵaý organdarynda qyzmet etken. Alaıda ol óz mindettine nemquraılyq tanytqany úshin jumystan bosatylǵan.

«Ótkizý pýnktinde bolǵan qaıǵyly oqıǵa birden ishki ister organdarynda qyzmet etken eki polıtsııa qyzmetkeriniń ómirin qıdy. Biraq, eń ókinishtisi, jantúrshigerlik apatty jasaǵan júrgizýshi buryn polıtsııada istegen. Ol polıtsııada alty jyl qyzmet etti, qyzmettik mindetterin tıisinshe oryndamaǵany úshin tórt tártiptik jaza aldy. Bul onyń ishki ister organdarynan ketýine sebep boldy. Biraq odan keıin de ol ózi úshin durys qorytyndy jasaı almady. Zańdy buzyp, ol rýlge mas kúıinde otyryp, qylmys jasady «, - dedi Almaty polıtsııa departamentiniń bastyǵy Qanat Taımerdenov.

Qanat Taımerdenovtyń aıtýynsha, eki nemese odan da kóp adamdy óltirgeni úshin A. esimdi azamatqa qatysty QR QK 99-babynyń 2-bóligi boıynsha sotqa deıingi tergeý bastaldy. (15 jyldan 20 jylǵa deıin nemese ómir boıyna bas bostandyǵynan aıyrýǵa jazalanady). Qazir ol qamaýda.

Eske salsaq, keshe ǵana Almaty polıtsııasy mas júrgizýshiniń polıtsııa qyzmetkeri emes degen bolatyn.

Qaıǵyly oqıǵa 25 mamyr kúni tańǵa jýy № 4 blokposta bolǵan. BMW júrgizýshisi mas kúıinde beton qorshaýǵa soǵylyp baryp, ınertsııamen patrýldik polıtsııa kóligin soqqan. Sonyń kesirinen eki polıtsııa qyzmetkeri kóz jumdy .

Úshinshi polıtsııa qyzmetkeri jansaqtaý bóliminde jatyr.



Bizdiń kanalymyzǵa jazylyńyz:

#Almaty   #Kólik  
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT