+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Blokpostaǵy kólik apaty: Eks-polıtseı sot aldynda jaýap berdi

2020 jylǵy 15 qyrkúıek 16:30
Bólisińiz:
Blokpostaǵy kólik apaty: Eks-polıtseı sot aldynda jaýap berdi

ALMATY. QazAqparat – Almaty oblysynda BMW kóligimen blokposty soǵyp, 2 polıtseıdiń ólimine sebepker bolǵan júrgizýshige qatysty sot otyrysy bastaldy, dep habarlaıdy QazAqparat tilshisi.

Azat Azamatovqa qatysty isti Qarasaı aýdandyq sotynyń sýdıasy Mádı Kóshekbaev qaraýda. Sot barysynda prokýror aıyptaý aktisin oqyp berdi. Prokýrordyń aıtýynsha, 25 mamyrda tańerteń BMW júrgizýshisi Almaty oblysyndaǵy № 4 blokposty qıratyp ótken. Sol kezde ol mas bolǵan.

«Meni túnde burynǵy áriptesterim Kóksaı aýylyna shaqyrdy. Biz sol kúni kólikte syra ishtik. Sodan keıin uıyqtaýǵa jattym. Ary qaraı eshteńe esimde joq. Men aýrýhanada oıandym», - deıdi aıyptalýshy.

Prokýrordyń suraqtaryna jaýap bergen Azamatov sol túni 2-3 bótelke syra ishkenin aıtty. Ol anasynyń atyna tirkelgeni BMW markaly avtokólikti basqarǵan.


Sonymen qatar, Azamatov 21 mamyrda jumystan shyqqanyn aıtty. Aryzdy 20 mamyrda jazǵan. Ol 2014 jyldan bastap quqyq qorǵaý organdarynda jumys istegen.

«Buǵan deıin mende bir tártiptik zań buzýshylyq boldy», - dep jaýap berdi zardap shekken polıtseıdiń qorǵaýshysy qoıǵan suraqqa.

«Qurmetti sot, qurmetti jábirlenýshiler, men óz kinámdi tolyqtaı moıyndaımyn», - dep Azamatov óz kinásin moıyndady.

Aıta keteıik, sot otyrysy zardap shekken taraptardyń bolmaýyna baılanysty bir aptaǵa shegerilgen bolatyn.

Almaty oblysynyń prokýratýrasy 28 mamyrdaǵy jol apatyna baılanysty A.Azamatovqa qatysty sotqa deıingi tergeý isi bastalǵany týraly habarlaǵan bolatyn. Onyń is-áreketine baılanysty QR QK 345-babynyń 4-bólimimen (mas kúıinde kólik aıdap, eki nemese odan kóp adamnyń qazasyna ákelgen jol apatyn týdyrý) boıynsha qylmystyq is qozǵalǵanyn aıtqan.

Oǵan deıin qylmystyq is QR QK 99-babynyń 2-bólimi boıynsha qaralǵan edi.

Eske salaıyq, 25 mamyr tańǵy saǵat 05:26-da BMW markaly kólikti basqarǵan 28 jastaǵy júrgizýshi mas kúıinde blokpostaǵy polıtsııa kóligin soqty. Sol jerde eki polıtsııa qyzmetkeri kóz jumdy.

Al zardap shekken úshinshi polıtseı aýrýhanada esin jıyp, jazylyp shyqty.

Keıin QR Іshki ister mınıstri Erlan Turǵymbaev qylmystyq istiń mán-jaıyn tergeýdi Іshki ister mınıstrligi ózine alǵanyn málim etti.

Osy oqıǵadan keıin Almaty qalalyq Polıtsııa departamentiniń 9 qyzmetkeri tártiptik jazaǵa tartyldy. Úsh laýazymdy qyzmetker jumysynan bosatyldy .


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT