+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Blokposta kóz jumǵan 2 polıtseıdiń artynda jary men balalary qaldy

2020 jylǵy 25 mamyr 09:53
Bólisińiz:
Blokposta kóz jumǵan 2 polıtseıdiń artynda jary men balalary qaldy

ALMATY. QazAqparat – Búgin Almaty oblysy aýmaǵyndaǵy blokposta bolǵan kólik apatynan eki polıtseı kóz jumdy, olardyń artynda jary men balalary qaldy, dep habarlaıdy QazAqparat tilshisi.

Jaras Sultanǵazyuly Janǵazıev 1978 jyly Batys Qazaqstan oblysynda týǵan. Tájirbıeli maman. Quqyq qorǵaý organdarynda 2001 jyldan bastap qyzmet etti. Artynda jary men eki qyzy qaldy.

Onyń áriptesi polıtsııa serjanty Dastan Maratjanuly Ábdikanov 1994 jyly Almaty qalasynda týǵan. Ol polıtsııada 2016 jyldan beri qyzmet etken. Úılengen, bir qyz tárbıelep otyrǵan. Kishkentaıy áli qyrqynan da shyqpaǵan.

Eske salaıyq, búgin tańǵy saǵat 05:26-da Almaty oblysy Qarasaı aýdany Kóksaı shaǵyn aýdanynda «BMW» markaly avtokóliginiń júrgizýshisi, 1992 jyly týǵan A. esimdi azamat Qojabekov kóshesimen júrip, Jańa ǵasyr kóshesi qıylysyndaǵy №4 blokposty buzyp ótken. Ol aldymen beton qorshaýǵa soǵylyp, sodan keıin ınertsııamen ishinde eki polıtsııa qyzmetkeri otyrǵan patrýl kóligine soqtyǵysqan.

Ókinishke oraı, patrýlderdiń biri, polıtsııa aǵa leıtenanty Jalǵas Janǵazıev, alǵan aýyr jaraqatynan jedel járdem kóligi kelgenge deıin kóz jumdy.

Onyń áriptesi, polıtsııa serjanty Dastan Ábdiqanov aýrýhanada qaıtys boldy.

Almaty ákimi Baqytjan Saǵyntaev óz mindetterin oryndaý barysynda qaza tapqan polıtsııa qyzmetkerleriniń otbasylary men jaqyndaryna kóńil aıtty.

«Blokposta mindetterin atqarǵan jáne JKO saldarynan qaza bolǵan polıtsııa qyzmetkerleri Jaras Janǵazıev pen Dastan Ábdiqanovtyń otbasylary men jaqyndaryna qatty qaıǵyryp kóńil aıtamyn», - dep jazdy Twitter-de Baqytjan Saǵyntaev.

Qaıtys bolǵandardyń otbasylaryna jan-jaqty qoldaý kórsetiletin bolady.



Bizdiń kanalymyzǵa jazylyńyz:

#Almaty   #Oqıǵa  
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT