+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

BQO: Jaıyq ózeninde sırek kezdesetin balyq túrin aýlaǵan brakonerler ustaldy

2021 jylǵy 30 shilde 11:20
Bólisińiz:
BQO: Jaıyq ózeninde sırek kezdesetin balyq túrin aýlaǵan brakonerler ustaldy

NUR-SULTAN. QazAqparat - Batys Qazaqstan oblysynda balyqtyń sırek kezdesetin túrin zańsyz aýlaǵan úsh adam ustaldy, dep habarlaıdy QR Ekologııa, geologııa jáne tabıǵı resýrstar mınıstrliginiń baspasóz qyzmeti.

«2021 jylǵy 27 shildede saǵat 22.30-da QR EGTRM Balyq sharýashylyǵy komıtetiniń Jaıyq-Kaspıı oblysaralyq basseındik balyq sharýashylyǵy ınspektsııasynyń qyzmetkerleri Batys Qazaqstan oblysy polıtsııa departamentiniń qyzmetkerlerimen birlesip «Krýgloozernoe» kenti aýdanynda Jaıyq ózeninde reıdtik is-sharalar ótkizý kezinde bekire tuqymdas balyqtardy zańsyz aýlaǵan úsh azamatty ustady. Ustaý ornynda jalpy salmaǵy 1,6 kg bolatyn «sterlet» túriniń eki danasy jáne salmaǵy 0,2 kg bolatyn bir laqashyq tabylyp, tárkilendi. Esepteýlerge sáıkes, balyq resýrstaryna zııan 467 500 (tórt júz alpys jeti myń bes júz) teńgeni qurady» delingen habarlamada.

Janýarlardyń sırek kezdesetin jáne quryp ketý qaýpi tóngen túrlerin aýlaý úshin jaýapkershilik QR QK-niń 339-babynda (sırek kezdesetin jáne Quryp ketý qaýpi tóngen, sondaı-aq paıdalanýǵa tyıym salynǵan ósimdik nemese janýar túrlerin, olardyń bólikterin nemese derıvattaryn zańsyz paıdalaný) úsh jyldan jeti jylǵa deıingi merzimge bas bostandyǵynan aıyrý túrinde kózdelgen.

Osyǵan baılanysty, ınspektsııa qyzmetkerleri jınaǵan materıaldar qylmystyq is qozǵaý úshin tabıǵatty qorǵaý polıtsııasynyń qyzmetkerlerine berildi. Atalǵan fakti QR EGTRM Balyq sharýashylyǵy komıtetiniń baqylaýynda.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT