+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

BQO turǵynynan granata, myltyq, qylysh jáne dinı kitaptar tárkilendi

2021 jylǵy 16 maýsym 11:39
Bólisińiz:
BQO turǵynynan granata, myltyq, qylysh jáne dinı kitaptar tárkilendi

ORAL. QazAqparat – Batys Qazaqstan oblysynda «Qarý» jedel aldyn alý is-sharasy aıasynda sharýa qojalyǵy basshysynan granata, myltyq, oq-dári, pyshaq, qylysh, sondaı-aq dinı kitaptar tárkilendi, dep habarlaıdy QazAqparat tilshisi.

Uqsas jańalyqtar
SQO-da aýyl turǵyny ınternet-alaıaqtardyń quryǵyna túsip, 2 mln teńgesinen aıyryldy Qylmystyq-atqarý júıesi medıtsınalyq qamtamasyz etý qyzmeti DSM-ǵa beriledi Qazaqstanda turmystyq zorlyq-zombylyq kórgenderdi tatýlastyrý alynyp tastalýy múmkin

BQO polıtsııa departamenti málim etkenindeı, qazirgi kezde Tasqala aýdanyndaǵy sharýa qojalyǵynyń basshysy, 1966 jylǵy A-ǵa qatysty QR QK 287-baby 3-bóligine (zańsyz qarý saqtaý) sáıkes qylmystyq is qozǵaldy.

Anyqtalǵanyndaı, A. buryn Reseı Federatsııasynyń bas bostandyǵynan aıyrý oryndarynda jazasyn ótep, merziminen buryn bosaǵan. Sodan keıin 2016 jyly Qazaqstanda urlyq jasaǵany úshin bas bostandyǵy shektelgen.

Departament bastyǵy, polıtsııa general-maıory Mahsudhan Ablazımovtyń aıtýynsha, kúni búgin kúdikti kovıd jáne ekijaqty pnevmonııa dıagnozymen statsıonarda jatqandyqtan, odan jaýap alý, tergeý ızolıatoryna aýystyrý ázirge múmkin emes.

«A-nyń turǵylyqty mekenjaıyn tintý barysynda tirkelmegen «MAVERIC» myltyǵy (vınchester), 12 kalıbrli myltyqtyń 11 oq-dárisi, 3 pyshaq (qanjar), Kalashnıkov avtomatynyń 1 oq-dárisi, myltyq tazalaıtyn qural tárkilendi. Sonymen qatar dinı kitaptar men dápter tabyldy. Oǵan qosa onyń sharýa qojalyǵyn tintý kezinde bir áskerı granata, Makarov tapanshasynyń 16 dana oq-dárisi, Kalashnıkov avtomatynyń 3 dana oq-dárisi, «LOSЬ-7» sholaq myltyǵy, qylysh, 6 dana dinı kitap tárkilendi», dedi M.Ablazımov.

A-ǵa osynshama qarý-jaraqtyń nege qajet bolǵany tergeý barysynda anyqtalady.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT