BQO turǵyny lotereıadan utqan avtokólik qarjysyn qaıyrymdylyqqa jumsaǵan
2022 jylǵy 28 qańtar 13:16

BQO turǵyny lotereıadan utqan avtokólik qarjysyn qaıyrymdylyqqa jumsaǵan

ORAL. QazAqparat – BQO-nyń Bókeı ordasy aýdany Saıqyn aýylynda turatyn Nurlybek Imanbaev avtolotereıadan utyp alǵan «Hyunday Accent» avtokóliginiń qarjysyn qaıyrymdylyq maqsatyna jumsady, dep habarlaıdy QazAqparat tilshisi.

Óziniń aıtýynsha, ótken jyldyń sońynda ǵalamtor arqyly quny 7 mln 519 myń teńge turatyn avtokólik utyp alǵan.

-Otbasymyz bolyp aqyldasa kele, qarjyny túgeldeı qaıyrymdylyqqa jumsaýdy uıǵardyq. Osy sheshimimizdi Almatydaǵy lotereıany uıymdastyrýshylarǵa jetkizip, utysty aqshalaı berýdi suradyq. Olar bul qadamymyzdy quptady. Muny jarııa etýge qarsy bolǵanymyzben, tarap ketipti, - deıdi Nurlybek.

Onyń sózine qaraǵanda, qarjynyń bir bóligin Almatydaǵy qańtar oqıǵasy kezinde qaza tapqan Dáýlet Juparbekov, Meıirhan Bitimniń otbasyna, ekinshi bóligin Oralda turatyn

5 jasar qyzdyń emine aýdarǵan. Qalǵan bóligin qaıyrymdylyq qoryna jiberip, týǵan jeri Bısen aýylyndaǵy muqtaj jandardyń qajetin ótemekshi.

-Nurlybek Mashanuly, ózińde avtokólik joq eken, minip, qyzyǵyn kórmediń be?

-Eki aıaǵym bar, muqtaj emespin. Eń bastysy, basymyz aman, denimiz saý bolsyn. Jalpy, qaıyrymdylyq isterine budan buryn da aralasyp kelemin. Maqsatymyz – túrli qıyndyqqa tap bolǵan adamdarǵa kómektesý, balalarymyzdy soǵan tárbıeleý. Ózim Bısen aýylynda týyp-ósip, Oral qalasyndaǵy J.Dosmuhamedov atyndaǵy joǵary pedagogıkalyq kolledjde, keıin Batys Qazaqstan gýmanıtarlyq akademııasynda dene tárbıesi jáne sport

mamandyǵy boıynsha bilim aldym. 2006-2009 jyldary sol kolledjde dene shynyqtyrý pániniń oqytýshysy boldym.

2009 jyldan beri shekara qyzmetinde kelisimshartpen jumys isteımin. Serjantpyn, Shońaıda el shekarasyn kúzetemin.

Zaıybym Dına M.Mámetova atyndaǵy orta mektepte bastaýysh synypta jáne aǵylshyn tili páni boıynsha dáris beredi. Eki ulym, bir qyzym osy mektepte bilim alyp júr.


-Shekarashy bolý abyroıly qyzmet qoı. Óziń jáne uldaryń sportpen aınalysady eken, bul jóninde ne aıtar ediń?

-Shekarashy bolý – ekiniń birine buıyrmaǵan mártebeli qyzmet. Sondyqtan da memleket shekarasyn kúzetý asa jaýapty ári abyroıly mindet dep esepteımin. Ekinshiden,

salaýatty ómir saltyn ustanyp, sportpen úzbeı aınalysýdy aldyma maqsat etip qoıdym. Fýtbol oınaımyn, jeńil atletıka da janyma jaqyn. Balalarym da kishkentaıynan

sportpen shuǵyldanyp, alǵashqy tabystaryna qol jetkizip keledi.


-Nurlybek, azamattyq tanytqanyńa rahmet! Barlyq isterińe bereke tileımiz.



Jańalyqtar

MURAǴAT