BQO Tilderdi damytý basqarmasyna jańa basshy keldi
2021 jylǵy 18 qarasha 20:24

BQO Tilderdi damytý basqarmasyna jańa basshy keldi

ORAL. QazAqparat – Konkýrstyq komıssııanyń sheshimimen Erlan Ǵalıev Batys Qazaqstan oblysy Tilderdi damytý basqarmasynyń basshysy bolyp taǵaıyndaldy, dep habarlaıdy QazAqparat tilshisi.

BQO ákiminiń baspasóz qyzmeti málim etkenindeı, Erlan Ersaıynuly 1977 jyly dúnıege kelgen. Bilimi joǵary. Batys Qazaqstan memlekettik ýnıversıteti men Batys Qazaqstan ınjenerlik-gýmanıtarlyq ýnıversıtetin qazaq tili men ádebıeti, ekonomıka mamandyǵy boı̆ynsha támamdaǵan.

Ár jyldary Jalpaqtal aýdanynda Ǵ.Moldashev atyndaǵy, Oral qalasynda №41 orta mekteptiń bastaýysh synyp muǵalimi, №19 orta mektep dırektorynyń tárbıe jónindegi orynbasary boldy. Sondaı-aq Oral qalasy ákimdigi jumyspen qamtý jáne áleýmettik baǵdarlamalar bóliminiń «Jumyspen qamtý ortalyǵy» MM dırektory, qala ákimi apparatynyń uıymdastyrý-baqylaý jumystary jáne memlekettik qyzmet kórsetý monıtorıng bóliminiń basshysy – qala ákimi apparaty basshysynyń orynbasary, Oral qalasy jer qatynastary bóliminiń, jumyspen qamtý jáne áleýmettik baǵdarlamalar bóliminiń basshysy, BQO ákimi apparaty strategııalyq damý bóliminiń basshysy bolyp jumys jasady.

Kúni búginge deıin Oral qalasy ákiminiń orynbasary qyzmetin atqardy.

Eske sala keteıik, budan buryn BQO qarjy basqarmasyna jańa basshy taǵaıyndalǵanyn jazǵan bolatynbyz.


Jańalyqtar

MURAǴAT