+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

BQO teatrynda «Juban» spektakliniń premerasy boldy

2020 jylǵy 26 qyrkúıek 23:24
Bólisińiz:
BQO teatrynda «Juban» spektakliniń premerasy boldy

ORAL. QazAqparat – Hadısha Bókeeva atyndaǵy Batys Qazaqstan oblystyq qazaq drama teatrynda aqyn Juban Moldaǵalıevtiń 100 jyldyǵyna oraı «Juban» spektakliniń premerasy boldy, dep habarlaıdy QazAqparat tilshisi.

Poetıkalyq drama aqyn, Memlekettik syılyqtyń laýreaty Aqushtap Baqtygereeva men dramatýrg Mádına Omarovanyń týyndysy negizinde qoıyldy.

Rejısseri Gaýhar Adaı bolsa, sýretshisi – Gúldana Jurqabaeva.

Spektakldegi rolderdi Temirjan Mataev, Bıbigúl Isalıeva, Janargúl Qurmanǵalıeva, Jasqaırat Valıýllıev, Quralbek Qatshaev syndy teatr ártisteri somdady.

«Búgingi spektakl unady, basqa traktovkamen qoıylǵan. Rejıssýrada jańashyldyq bar. Ómirden óner jasap, ony kórermenge jetkizý, halyqqa oı tastaý baǵytynda ártister janyn salyp oınady. Dala men bala Jubannyń ómiri, jastyq shaǵy, minbeden sóılegen sáti barynsha qamtylǵan. Jubannyń Kolbınmen kezdesýdegi sózin men de tyńdadym. Men mynadaı sumdyqty kórgenshe, soǵystan qaıtpaı qalǵanym durys edi, dep 1986 jylǵy Jeltoqsan oqıǵasynan keıin qasqaıyp turyp, shyndyqty aıtqan jalǵyz Juban boldy. Spektaklge baılanysty eskertýlerim de bar, ony ózderine aıtyp ketermin. Jalpy, teatr ujymynyń baǵyty óte durys. Aldaǵy ýaqytta teatrǵa jaqsy rejısserlerdi shaqyryp, shtatqa alsa degen tilek bar. Sonymen qatar Hadısha atyndaǵy teatr bolǵannan keıin uly aktrısanyń músini osy ǵımarattyń aldynda ma, ishinde me, turýy kerek», dedi Qazaqstannyń Eńbek Eri, teatr sańlaǵy Asanáli Áshimov.

Teatr ujymyna oblys ákimi Ǵalı Esqalıev, qoıylym avtorlarynyń biri Aqushtap Baqtygereeva rızashylyǵyn bildirdi.

Sondaı-aq teatr foıesinde «Juban» entsıklopedııasynyń (bas redaktory – pedagogıka ǵylymdarynyń doktory, professor Abat Qydyrshaev) tanystyrylymy ótti.

Eske sala keteıik, budan buryn BQO teatrynda Jubannyń 100 jyldyǵyna oraı jańa premera qoıylatynyn, «Jaıyqtyń qos qyrany» atty respýblıkalyq aıtystyń júldegerleri anyqtalǵanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT