BQO sybaılas jemqorlyqqa qarsy is-qımyl departamentine jańa basshy keldi
ORAL. QazAqparat – Ádilhan Sabyrov BQO boıynsha sybaılas jemqorlyqqa qarsy is-qımyl departamentiniń basshysy bolyp taǵaıyndaldy, dep habarlaıdy QazAqparat tilshisi.
Jańa basshy BQO ákimdiginde ótken oblys aktıvinde tanystyryldy.
Ádilhan Sabyrov Nurlan Qydyrbaevty almastyrdy. Ol 2022 jyldyń naýryzynan beri atalmysh departamenttiń basshysy qyzmetin atqarǵan edi.
QR Sybaılas jemqorlyqqa qarsy is-qımyl agenttiginen alynǵan málimetke qaraǵanda, Á.Sabyrov 1983 jyly 4 qarashada Shyǵys Qazaqstan oblysy Tarbaǵataı aýdany Aqsýat aýylynda dúnıege kelgen.
Qazaq gýmanıtarlyq-zań ýnıversıtetiniń Almaty zań akademııasyn 2005 jyly quqyqtaný mamandyǵy boıynsha bitirgen.
Sondaı-aq 2021 jyly S.Amanjolov atyndaǵy Shyǵys Qazaqstan memlekettik ýnıversıtetin támamdaǵan, memlekettik jáne jergilikti basqarý boıynsha akademııalyq dáreje berildi.
«Erligi úshin» medalimen marapattalǵan.
2005-2018 jyldar aralyǵynda prokýratýra organdarynda túrli basshylyq laýazymdarda qyzmet atqardy.
2018-2019 jyldary – Almaty oblysy boıynsha Sybaılas jemqorlyqqa qarsy is-qımyl ulttyq bıýrosynyń departamenti tergeý basqarmasynyń basshysy.
2019-2022 jyldary – QR Sybaılas jemqorlyqqa qarsy is-qımyl agenttigi Shyǵys Qazaqstan oblysy boıynsha departamenti basshysynyń orynbasary.
2022 jylǵy tamyzdan bastap QR Sybaılas jemqorlyqqa qarsy is-qımyl agenttigi Abaı oblysy boıynsha departamentiniń basshysy boldy.
Foto: gov.kz
