BQO-nyń «qyzyl» aımaqqa enýine baılanysty qatań shekteý sharalary engiziledi
2022 jylǵy 14 qańtar 13:07

BQO-nyń «qyzyl» aımaqqa enýine baılanysty qatań shekteý sharalary engiziledi

ORAL. QazAqparat – Batys Qazaqstan oblysynyń «qyzyl» aımaqqa enýine baılanysty qatań shekteý sharalary engiziledi, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, óńirlik jedel shtab pen vedomstvoaralyq komıssııa sheshimi negizinde oblystyń bas memlekettik sanıtar dárigeriniń qaýlysy shyǵady.

Onyń aıtýynsha, ótken táýlikte óńirde 186 adamnan koronavırýs anyqtalsa, aldaǵy kúnderi odan da kóbeıip, 300-ge jetýi yqtımal.

Sondyqtan epıdemıologııalyq ahýaldy turaqtandyrý maqsatynda jańa qaýlyǵa sáıkes otbasylyq jáne basqa kópshilik is-sharalardy ótkizýge tyıym salynady. Tek

«Ashyq» jobasymen jumys isteıtin nysandarda 30 adamǵa deıin sadaqa sekildi jıyndy ótkizýge ruqsat beriledi.

Kınoteatrlar, qoǵamdyq tamaqtandyrý oryndarynda da shekteýler engiziledi.

«Mekemeler óz qyzmetkerleriniń keminde 70 paıyzyn qashyqtan jumys isteýge kóshirýi tıis. Sondaı-aq bala sany 600-den aspaıtyn mektepter shtattyq, 600-den joǵary bilim ordalary qashyqtan oqytýǵa aýysady. Kolledjder men JOO-lar aralas oqytýǵa kóshedi. Eger oqýshylar men stýdentter túgeldeı ekpe alǵan bolsa, olardy qandaı rejımde oqytý máselesin sol oqý oryndarynyń basshylary sheshedi», dedi N.Mustaev.

Eske sala keteıik, budan buryn BQO-da bir kúnde 100-ge jýyq adamnan koronavırýs anyqtalǵanyn jazǵan bolatynbyz.



Uqsas jańalyqtar

Jańalyqtar

MURAǴAT