+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

BQO-nyń eki turǵyny iri kólemdegi esirtki zattarymen qolǵa tústi

2021 jylǵy 15 qyrkúıek 21:02
Bólisińiz:
BQO-nyń eki turǵyny iri kólemdegi esirtki zattarymen qolǵa tústi

ORAL. QazAqparat – BQO-nyń eki turǵyny oblys ortalyǵynda ınternet jelisinde esirtki zattaryn satýdy uıymdastyrǵany úshin qolǵa tústi, dep habarlaıdy QazAqparat tilshisi.

Uqsas jańalyqtar

BQO polıtsııa departamentiniń bastyǵy, polıtsııa general-maıory Mahsuthan Ablazımovtyń málim etkenindeı, orman alqabynda, sondaı-aq kúdiktilerdiń mekenjaılaryn tintý kezinde 1 keliden astam untaq esirtki zattary, 55 tabletka amfetamın jáne 500 gramǵa jýyq ósimdik tektes esirtki zattary tárkilendi.

Qabyldanǵan is-sharalardyń nátıjesinde sıntetıkalyq esirtki zattarynyń 4300-den astam mólsheriniń taralýyna jol berilgen joq.

Atalǵan oqıǵa boıynsha QR QK 297-baby 3-bóligine sáıkes sotqa deıingi tergeý amaldary júrgizilýde.

«Jas urpaqtyń bolashaǵyna qater tóndiretin qaterlerdiń biri esirtki zattary, sonyń ishinde sıntetıkalyq esirtkiniń taralýy ekendigin Memleket basshysy bıylǵy Joldaýynda erekshe atap ótip, quqyq qorǵaý organdaryna osyǵan tosqaýyl qoıý jóninde tapsyrma bergen bolatyn. Bizdiń mindetimiz – osy tapsyrmany múltiksiz oryndaý», dedi M.Ablazımov.

Onyń sózine qaraǵanda, jyl basynan beri zańsyz esirtki aınalymyna qatysty 66 qylmys anyqtalyp, 81 adam qylmystyq jaýapkershilikke tartyldy. Sonyń 23-i esirtki satý, 15-i esirtki zattaryn asa iri mólsherde saqtaý, 18-i quramynda esirtki zattary bar ósimdikterdi zańsyz egip-ósirý, 9-y esirtki kontrabandasy, bireýi ýly zattardy daıyndaý nemese qaıta óńdeý úshin paıdalanylatyn zattardyń, qural-saımandardyń nemese jabdyqtardyń zańsyz aınalymyna baılanysty.

Zańsyz aınalymnan 50 keliden astam esirtki alynsa, sonyń 1 kg 336 gramy – sıntetıkalyq esirtki túrleri.

Eske sala keteıik, budan buryn BQO turǵynynyń 2,5 kelige jýyq marıhýanamen ustalǵanyn jazǵan bolatynbyz.




Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT