+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

BQO mektepterinde 130 oqýshydan koronavırýs anyqtaldy

2021 jylǵy 10 qyrkúıek 13:22
Bólisińiz:
BQO mektepterinde 130 oqýshydan koronavırýs anyqtaldy

ORAL. QazAqparat – Batys Qazaqstan oblysynda jańa oqý jyly bastalǵannan beri 130 oqýshydan koronavırýs anyqtaldy, dep habarlaıdy QazAqparat tilshisi.

Uqsas jańalyqtar
ShQO halqynyń 80 paıyzy koronavırýsqa qarsy vaktsına saldyrdy Reseıde koronavırýsqa shaldyqqandar sany táýligine rekordty 32 196 adamǵa jetti Koronavırýs: Semeıde oqýshylardy mektepke avtobýspen jetkizý toqtatyldy

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, sonyń ishinde 64-i Oral qalasynda, qalǵan 66-sy oblys aýdandaryndaǵy mektepterde bilim alady.

Kúni búgin qala men aýdandardyń bas memlekettik sanıtar dárigerleriniń qaýlysymen 26 mektepte 38 synyp, orta bilim berý uıymdarynda 3 jáne JOO-da 1 top karantınge jabyldy.

Nurlybek Ermekulynyń sózine qaraǵanda, qyrkúıek aıynda barlyǵy 925 adamnan kovıd tabyldy. Sonyń 484-i, ıaǵnı 52 paıyzy JRVI belgileri boıynsha tekserilgen. 251-i (27 paıyz) profılaktıkalyq maqsatta qaralǵan. 184-i (20 paıyz) buryn aýyrǵandarmen qarym-qatynasta bolǵan. 6 adamnan (1 paıyz) epıdemıologııalyq qadaǵalaý kezinde synama alynǵan.

Aýyrǵandardyń 35 paıyzy (327) Oral qalasynda, 12 paıyzy (114) Báıterek, 11 paıyzy (110) Bórli, 8 paıyzy (80) Shyńǵyrlaý, 6 paıyzy (57) Terekti jáne 4 paıyzy (41) Kaztalov aýdanynda tirkelip otyr.

Solardyń ishinde 137-si – 14 jasqa deıingiler, 64-i – 15-17, 57-si – 18-25, 228-i – 26-40, 217-si – 41-60 jas aralyǵyndaǵylar, 222-si – alpystan asqandar.

Kásibı quramy boıynsha 385-i (41,6 paıyzy) – jumys isteıtinder, 106-sy (11,4 paıyzy) – jumyssyzdar, 222-si (24 paıyzy) – zeınetkerler, 130-y (14 paıyzy) – oqýshylar, 22-si (2,3 paıyzy) – medıtsına qyzmetkerleri.

Sońǵy aptada (3-9 qyrkúıek) aldyńǵymen (27 tamyz – 2 qyrkúıek) salystyrǵanda, koronavırýs juqtyrý kórsetkishi 10,2 paıyzǵa (725-ten 651-ge) tómendedi.

«Sońǵy aptada monıtorıngtik toptar 87 reıd barysynda 702 nysandy qamtydy. 15 nysanda karantın talabyn buzýshylyq anyqtaldy. Soǵan sáıkes QR Ákimshilik quqyqbuzýshylyq kodeksi 425-baby 1-bóligine sáıkes 18 hattama toltyrylyp, 1 mln. 370,990 myń teńge aıyppul salyndy. Sondaı-aq «Ashyq» jobasymen jumys isteıtin nysandarǵa úılerinde oqshaýlanýy tıis 102 adamnyń (44-i – qyzyl, 58-i – sary mártebe) kelgeni anyqtaldy. Atalǵan bap boıynsha jeke tulǵalarǵa qatysty 4 mln 783,880 myń teńge kóleminde barlyǵy 110 ákimshilik hattama toltyryldy», dedi N.Mustaev.

Eske sala keteıik, budan buryn Batys Qazaqstanda 209 myńǵa jýyq adamnyń koronavırýsqa qarsy vaktsına saldyrǵanyn, 1,4 myńǵa jýyq naýqastyń ambýlatorııada emdelip júrgenin jazǵan bolatynbyz.





Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT