+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

BQO kásipkerleri balyqty jalǵan sertıfıkattarmen eksporttap kelgen

2020 jylǵy 15 qańtar 21:48
Bólisińiz:
BQO kásipkerleri balyqty jalǵan sertıfıkattarmen eksporttap kelgen

ORAL. QazAqparat – QR Memlekettik qyzmet isteri agenttiginiń Batys Qazaqstan oblysyndaǵy Ádep keńesiniń otyrysynda óńirdegi memlekettik qyzmetshilerdiń tártiptik isteri qaraldy, dep habarlaıdy QazAqparat tilshisi.

Uqsas jańalyqtar
Elimizde ınternet-eksporterler mektebin qoldaý baǵdarlamasy qalaı iske asyp jatyr «Pavlodar» AEA taýarlarynyń jartysynan astamy eksporttalyp úlgerdi Shubat pen qymyz Qytaıǵa eksporttalady

QR Aýyl sharýashylyǵy mınıstrligi Veterınarlyq baqylaý jáne qadaǵalaý komıteti Báıterek aýdany aýmaqtyq ınspektsııasynyń basshysy Jumabek Ýtalımov pen osy ınspektsııanyń bas mamany Aqtoty Joldaýbaeva «Qazaqstan Respýblıkasynyń memlekettik qyzmeti týraly» Zańynyń 50-baby 1-tarmaǵy 4-inshi jáne 5-tarmaqshalaryn buzǵany úshin jaýapqa tartyldy.

Prokýratýra balyq resýrstary aınalymy salasynda ınspektsııa men balyq ónimin eksporttaıtyn kásipkerlik nysandarynyń («Bıal Oral LTD» JShS, «ABM Batys» JShS, «Ihlasova G.S.» JK, «Kalıev N.M.» JK, «Ýral Kaspıı» JK) qyzmetine tekserý júrgizgen.

Tekserý barysynda atalǵan kásipkerlik nysandarynyń balyqty eksporttaý úshin kóptegen jaǵdaıda jalǵan qujattar negizinde veterınarlyq sertıfıkattar alǵandyǵy anyqtaldy.

Atap aıtqanda, kásipkerlik nysandary balyqtyń qaıdan aýlanǵany jóninde jalǵan anyqtamalar usynsa da, ınspektorlar 2017-2019 jyldary jalpy salmaǵy 2532 tonna balyqqa 232 veterınarlyq sertıfıkat (2017 jyly – 136, 2018 jyly – 86, 2019 jyly – 10) bergen.

Osylaısha, zańsyz veterınarlyq sertıfıkattardyń berilýi saldarynan memleket múddesi men janýarlar dúnıesine 5 mlrd teńgeden astam somaǵa shyǵyn keltirilgen.

Oǵan qosa, balyqtyń túri ótinishpen qosa berilgen qujatta jáne sertıfıkatta bir-birimen sáıkes kelmegen.

Ádep keńesi máseleni talqylaı kele, memlekettik qyzmetke kir keltiretin tártiptik teris qylyq jasaǵany úshin J.Ýtalımov pen A.Joldaýbaevany qyzmetinen bosatý týraly QR AShM Veterınarlyq baqylaý jáne qadaǵalaý komıteti oblystyq aýmaqtyq ınspektsııasynyń basshysyna usynys jasady.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT