BQO-da jol apatynan eki sábı zardap shekti
2022 jylǵy 27 maýsym 11:48

BQO-da jol apatynan eki sábı zardap shekti

ORAL. QazAqparat - Batys Qazaqstan oblysynda jol apatynan eki sábı zardap shekti, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 26 maýsym kúni shamamen 22.00-den keıin Aqjaıyq aýdany aýmaǵynda, Atyraý-Oral jolynyń 351-shaqyrymynda boldy.

«Cherrı» avtokóligin aıdaǵan 1979 jylǵy júrgizýshi «ZIL» avtokóligin aınalyp ótem dep aýdarylyp qalǵan.

Avtokólikte 6 jolaýshy bolǵan. 19 jastaǵy áıel jabyq bas-mı jaraqatyn alyp, mıy shaıqalǵan. Sondaı-aq omyrtqasy, qabyrǵalary synǵan. Basy men ıyq tusy kógergen eki aılyq sábı oblystyq kópbeıindi balalar aýrýhanasyna jetkizildi. Bir jasar balanyń da samaı tusy kógergen.

Medıtsınalyq kýálandyrýǵa sáıkes júrgizýshi ishimdik ishpegen.

Taǵy bir oqıǵa da túnde Oral qalasynda M.Sholohov pen Ǵ.Qurmanǵalıev kósheleriniń qıylysynda boldy.

«Toıota» shaǵyn avtobýsy toqtap turǵan skýter men «VAZ-2110» avtokóligimen túıisken.

Saldarynan 5 adam aýrýhanaǵa jetkizildi. Skýterde otyrǵan 17 jasar jasóspirim jansaqtaý bóliminde kóz jumdy. Skýterdiń júrgizýshisi kóptegen dene jaraqattarymen aýrýhanaǵa jatqyzyldy.

Jeńil kólikte bolǵan úsh jolaýshy dárigerler qaraǵannan keıin úılerine jiberildi.

Bul júrgizýshi de ishimdik ishpegen. Aldyn ala boljam boıynsha ol uıaly telefonǵa alańdaǵan.

Bul oqıǵa boıynsha QR QK 345-baby 3-bóligine sáıkes sotqa deıingi tergeý amaldary júrgizilýde. Barlyq saraptama taǵaıyndaldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT