Jańalyqtar  >
BQO-da jol apatynan 2 adam kóz jumyp, jeteýi aýrýhanaǵa tústi
2022 jylǵy 17 tamyz 22:35

BQO-da jol apatynan 2 adam kóz jumyp, jeteýi aýrýhanaǵa tústi

ORAL. QazAqparat - Batys Qazaqstan oblysynda jol apatynan 7 adam aýrýhanaǵa jetkizilip, 2 adam kóz jumdy, dep habarlaıdy QazAqparat tilshisi.

BQO Polıtsııa departamenti baspasóz qyzmetinen túsken málimetke qaraǵanda, oqıǵa 17 tamyz kúni Kaztalov aýdany aýmaǵynda boldy.

«Shamamen saǵat 14.20-da Kaztalov-Jalpaqtal-Chapaev jolynyń 145-shaqyrymynda 1999 jyly týǵan júrgizýshi «Lada Prıora» avtokóligimen 1984 jyly týǵan turǵyn aıdap kele jatqan «Lada Vestaǵa» jol bermeı, túıisken. Saldarynan «Lada Vesta» avtokóliginde otyrǵan 1950 jylǵy áıel qaza tapty.

Aýrýhanada «Lada Prıora» avtokóliginde bolǵan jolaýshy, 1974 jylǵy er adam da qaza tapty. Qalǵan 7 adam aýrýhanada. Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilýde», dep habarlady vedomstvodan.

Eske sala keteıik, budan buryn BQO-da joldan júgirip ótpek bolǵan 62 jastaǵy er adamdy avtokólik qaǵyp ketkenin jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT