+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

BQO-da jeltoqsannyń alǵashqy kúnderi 100-den astam adamnan koronavırýs anyqtaldy

2020 jylǵy 4 jeltoqsan 14:08
Bólisińiz:
BQO-da jeltoqsannyń alǵashqy kúnderi 100-den astam adamnan koronavırýs anyqtaldy

ORAL. QazAqparat – Batys Qazaqstan oblysynda qarasha aıynda 1053 adam koronavırýs juqtyrǵan, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń óńirlik kommýnıkatsııalar qyzmeti alańynda málim etkenindeı, jeltoqsannyń alǵashqy kúnderi 104 adamnan indet tabyldy.

Sonymen qatar 12 adamnyń vırýsy anyqtalmaǵan pnevmonııaǵa shaldyqqany belgili boldy.

Aýyrǵandardyń 42,6 paıyzy (494-i) bir-birimen qarym-qatynas kezinde juqtyrǵan. Bul naýqastardyń úı karantıninde sanıtarlyq talapty, oqshaýlaný tártibin saqtamaıtyndyǵyn kórsetedi.

Eger shekteý sharalaryn kúsheıtkenge deıin táýligine ortasha eseppen COVID-19-ben 37-38 naýqas tirkelse, qazirgi ýaqytta 32-den kelýde.

«Bul shekteý sharalarynyń tıimdiligin kórsetedi. Eger 11 qarashada «qyzyl aımaqta» bolsaq, odan keıin «sary aımaqqa» óttik. Al 25 qarashadan beri «jasyl aımaqtamyz». Sondyqtan bári de adamdardyń sanıtarlyq talaptardy saqtaýyna baılanysty. Alda Táýelsizdik meıramy, odan keıin Jańa jyl merekesi keledi. Osyndaı kúnderi de karantındi buzbaýymyz qajet. Sonda shekteý sharalaryn báseńdetýge múmkindik týady», dedi M.Aryspaev.

Oblysta qarasha aıynyń basynan beri monıtorıngtik toptar 105 nysanda sanıtarlyq talaptyń buzylǵanyn anyqtady. QR Ákimshilik quqyqbuzýshylyq kodeksi 425-baby 1-bóligine sáıkes 213 hattama toltyrylyp, 12 mln astam teńge aıyppul salyndy.

Sonyń ishinde kóp adamnyń qatysýymen 76 shara, betperde kımeýdiń 60, saǵat 23.00-den keıin jeke kólikpen júrýdiń 63, jumys rejımin buzýdyń 13 jáne qyzmetkerlerge termometrııa júrgizbeýdiń 1 deregi tirkeldi.

Eske sala keteıik, budan buryn BQO-da shekaradan medıtsınalyq qural-jabdyqtardy zańsyz alyp ótpek bolǵandardyń ustalǵanyn, Oralda juqpaly aýrýlar modýldik aýrýhanasynyń qurylysy aıaqtalǵanyn jazǵan edik.





Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT