BQO-da zańsyz kıik aýlaýmen aınalysqan eki qylmystyq top ustaldy

ORAL. QazAqparat - Batys Qazaqstan oblysynda zańsyz kıik aýlaýmen aınalysqan eki qylmystyq toptyń áreketi áshkerelendi, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, prokýratýra organdarynyń úılestirýimen atalǵan eki toptyń 2019 jyldyń qyrkúıegi men 2020 jyldyń mamyry aralyǵynda oblys aýmaǵynda zańsyz kıik aýlap, onyń múıizin ótkizýmen aınalysqany anyqtaldy.

Qylmystyq jaýapkershilikke 11 adam tartylýda.

Tergeý barysynda 700 kıik múıizi, tirkelmegen 9 atys qarýy, 328 oq-dári, ótimdiligi joǵary 7 avtokólik, 2 qarshana, 2 mototsıkl, basqa da qural-jabdyqtar tárkilendi.

Kıikti joıýdyń saldarynan ekologııaǵa 700 mln astam zalal keltirildi.

Qazirgi kezde QR QK 337-baby (zańsyz aýlaý), 339-baby 2-bóligi 2-tarmaǵy (sırek kezdesetin, joıylý qaýpi tóngen jáne tyıym salynǵan ósimdikter nemese janýarlarmen, olardyń bólikterimen nemese derıvattarymen zańsyz aınalysý), 262-babyna (uıymdasqan qylmystyq topty qurý jáne basshylyq etý, sondaı-aq oǵan qatysý) sáıkes sotqa deıingi tergeý amaldary júrgizilýde.