USD 435.1 EUR 493.27
RUB 5.69 CNY 68.63
Jańalyqtar

BQO-da ýchaskelik polıtsııa ınspektory mal urlady degen aıyppen ustaldy

2021 jylǵy 28 qazan 11:34
Bólisińiz:
BQO-da ýchaskelik polıtsııa ınspektory mal urlady degen aıyppen ustaldy

ORAL. QazAqparat – Syrym aýdanynda ýchaskelik polıtsııa ınspektory mal urlady degen aıyppen ustaldy, dep habarlaıdy QazAqparat tilshisi.

Uqsas jańalyqtar
Batys Qazaqstanda koronavırýs juqtyrý deńgeıi 11,2 esege ósti Batys Qazaqstanda respýblıkalyq jolda qozǵalysqa shekteý qoıyldy Almatyda ereýil kezinde Ulttyq ulan sarbazyn uryp, ıtin urlap ketken

BQO polıtsııa departamentiniń baspasóz qyzmeti atalǵan qyzmetkerdiń qamaýǵa alynǵanyn rastady.

«Qazirgi kezde QR QK 188-baby 1-bóligine sáıkes (mal urlyǵy) sotqa deıingi tergeý amaldary júrgizilýde. Іs boıynsha basqa qyzmetkerler ótip jatqan joq», dep habarlady vedomstvodan.

Aýdan ortalyǵy Jympıty aýyly turǵyndarynyń sózine qaraǵanda, barlyǵy elý shaqty mal joǵalǵan. Polıtsııaǵa onnan astam adam júgingen. Olarǵa 15 mln teńge zalal keltirilgen.

Turǵyndar bıyl kóktemde sharýa qojalyǵyna qosyp qoıǵan malynan aıyrylyp qalǵan. Mal urlyǵyna qojalyq basshysynyń Araltóbe aýylynda ýchaskelik polıtsııa ınspektory bolyp jumys jasaıtyn uly da aralasqan. Keıin baqtashy polıtsııaǵa kelip «urlyqqa polıtsııa kapıtanynyń qatysy bolǵanyn» aıtyp, ózin «uryp-soqty» dep málimdegen.

«Bul áńgime sáýirde bastalǵan. Malymyz qaıtpaǵannan keıin oblystyq polıtsııa departamenti bastyǵynyń qabyldaýyna deıin bardyq. Kóp maly joǵalǵandar bar. Meniń úsh malym ketti. Qazir ekeýin maldaı, bireýin aqshalaı qaıtaryp aldym. Sol sebepti keshe polıtseıdiń ákesi kelgennen keıin talabym joq dep, kelisimge keldim», dedi QazAqparat tilshisine Jympıty aýylynyń turǵyny, zeınetker Kım Fedıanın.

Eske sala keteıik, budan buryn oraldyq azamattan 2 mln teńge bopsalaǵandar ustalǵanyn jazǵan bolatynbyz.




Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT