+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

BQO-da tótenshe jaǵdaı talabyn buzǵan 8 meıramhana ıesi qamaýǵa alyndy

2020 jylǵy 25 naýryz 14:10
Bólisińiz:
BQO-da tótenshe jaǵdaı talabyn buzǵan 8 meıramhana ıesi qamaýǵa alyndy

ORAL. QazAqparat – Batys Qazaqstan oblysynda tótenshe jaǵdaı talabyn buzǵan 8 meıramhana ıesi qamaqqa alyndy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, barlyǵy 13 ákimshilik is qozǵaldy.

Sonyń ishinde úsh kásipkerge aıyppul salynsa, 8-i qamaqqa alyndy. Taǵy eki is qaralý ústinde.

Mysaly, Oral qalasynda «Kórkem» meıramhanasy 19 naýryz kúni saǵat 22.00-den keıin qyzmetin toqtatpaǵan. Oral qalasy mamandandyrylǵan ákimshilik sotynyń qaýlysymen QR Ákimshilik quqyq buzý kodeksi 476-baby 6-tarmaǵyna sáıkes meıramhana ıesi 10 táýlikke qamaldy.

Osyndaı «qyzmeti» úshin Oraldaǵy «Mıster Doner» kafesi, «Pıfkoff» syra bary, Aqjaıyq aýdany Chapaev aýylyndaǵy «Arman» kafesi ıeleri de 10 táýlikke qamaqqa alyndy. Osy aýyldaǵy «Smaıl» kafesiniń ıesine 2 táýlik ákimshilik qamaqqa alý jazasy kesildi.

Báıterek aýdany Mıchýrın aýylyndaǵy «Kempıng Evrazııa» kafesiniń ıesi 13 táýlikke qamaldy.

Oraldaǵy «Svetlana» kafesiniń ıesine 10 AEK kóleminde aıyppul salyndy.

Bókeı ordasy aýdany Saıqyn aýylyndaǵy «Dýman» kafesinde 23 naýryz kúni 70-deı adam qatysqan qaraly jıyn bolǵan. Bul kafe ıesine de 10 AEK kóleminde aıyppul salyndy.

Al Jańaqala aýdany Jańaqala aýylyndaǵy «Ǵaısa» meıramhanasynda 160 adam qatysqan saltanatty shara ótken. Jańaqala aýdandyq sotynyń qaýlysymen bul meıramhana ıesi 3 táýlikke qamaldy.

BQO sotynyń baspasóz qyzmeti qaýlynyń zańdy kúshine enbegenin jetkizdi.

Eske sala keteıik, budan buryn BQO-da 22 myń maskany alyp ketip bara jatqan reseılik ustalǵanyn, 148 adamnyń medıtsınalyq baqylaýǵa alynǵanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT