Valıýta baǵamdary:
    usd/kzt 476.18 eur/kzt 485.56

    rub/kzt 7.76 cny/kzt 70.34
Aýa raıy:
Nur-Sultan: 1 °S
Almaty: 15 °S

BQO-da toq soǵyp, eki qolynan aıyrylǵan bala oqıǵasy boıynsha qylmystyq is qozǵaldy

2022 jylǵy 24 maýsym 18:25

ORAL. QazAqparat - Batys Qazaqstan oblysynda tok soǵyp, eki qolynan aıyrylǵan bala oqıǵasy boıynsha qylmystyq is qozǵaldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, qazirgi kezde atalǵan derek boıynsha QR QK 371-baby 2-bóligine (abaısyzda aýyr zardaptarǵa ákep soqqan salǵyrttyq) sáıkes sotqa deıingi tergeý amaldary júrgizilip jatyr.

«Atalǵan bap boıynsha kináli dep tanylǵan adam belgili bir laýazymdy atqarý nemese bir qyzmetpen aınalysý quqyǵynan úsh jylǵa deıingi merzimge aıyra otyryp, tórt myń AEK-ke deıingi mólsherde aıyppul salýǵa ne sol mólsherde túzeý jumystaryna ne bir myń saǵatqa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady. Tıisti saraptama taǵaıyndaldy. Qorytyndysy keıin belgili bolady», dep habarlady vedomstvodan.

BQO ákiminiń baspasóz qyzmetinen málim etkenindeı, óńir basshysy Ǵalı Esqalıev aýrýhanada jatqan balamen kezdesip, jaǵdaıyn bildi.

Bes jasar Amanjol qazir basyn kóterip, óz betinshe júre alady. Jas bala psıhologtardyń baqylaýyna alyndy.

Anasymen sóılesý barysynda oblys ákimi: «Máseleni ózimniń jeke baqylaýyma aldym. Jaraqat orny protezdi bekitýge yńǵaıly bolǵan soń, zamanaýı protez salamyz. Otbasyńyzǵa jergilikti bılik tarapynan jan-jaqty qoldaý kórsetemiz» - dedi.

Kezdesýden soń Ǵ.Esqalıev elektr jelisine jetekshilik etetin orynbasary Temirhan Meńdiǵalıevke, Batys Qazaqstan aımaqtyq elektr jelilik kompanııasyna oblys aýmaǵyndaǵy barlyq transformatorlardyń qaýipsizdigi, olardyń qorshalýy, esikteriniń kilttenýi kerektigi jóninde qatań tapsyrma berdi.

Eske sala keteıik, budan buryn BQO-da tok soqqan eki balanyń aýrýhanaǵa túskenin jazǵan bolatynbyz.

Sondaı-aq Batys Qazaqstan oblysyny ákimi Ǵalı Esqalıev toq soqqan balaǵa tıisti kómek kórsetiletinin aıtqan edi.


Avtor:

Ǵaısaǵalı Seıtaq

Novostı po teme
Uqsas jańalyqtar
Seriktester jańalyqtary