+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

BQO-da sábıin ózgege zańsyz bergen ananyń ústinen tergeý júrip jatyr

2021 jylǵy 27 qyrkúıek 12:35
Bólisińiz:
BQO-da sábıin ózgege zańsyz bergen ananyń ústinen tergeý júrip jatyr

NUR-SULTAN. QazAqparat – «Stop-trafık» jedel aldyn alý is-sharasynyń aıasynda jańa týǵan sábıin erli-zaıyptylarǵa zańsyz bergen áıeldiń ústinen tergeý bastaldy, habarlaıdy QazAqparat tilshisi.

Іshki ister mınıstrligi Krımınaldyq polıtsııa departamenti bastyǵynyń orynbasary Qanat Nurmaǵambetov vedomstvonyń aqparat alańynda osyndaı aqparat aıtty.

«Stop-trafık» jedel aldyn alý is-sharasynyń aıasynda adamdy jumysqa salý úshin bas bostandyǵynan zańsyz aıyrýdyń 1 faktisi, 3 adam satý faktisi, kámeletke tolmaǵandardy satýdyń 7 faktisi belgili boldy. Jezókshelikke tartýdyń 16 faktisi áshkerelendi. Onyń ishinde kámeletke tolmaǵandardy osyndaı iske tartýdyń 3 oqıǵasy tirkeldi. Jezókshelikpen aınalysý jáne jeńgetaılyq qyzmet uıymdastyrýdyń 47 faktisi belgili boldy. Budan bólek józekshelikpen jáne jeńgetaılyqpen aınalysatynyn bile turyp, ǵımarat usyný boıynsha 22 ákimshilik quqyq buzý faktisi tirkeldi», - dedi ІІM ókili.

Onyń aıtýynsha, qoǵamdyq orynda tıisý faktisi boıynsha 400-den astam ákimshilik qaýly toltyrylǵan.

«Batys Qazaqstan oblysynda polıtsııa qyzmetkerleri 27 jastaǵy áıeldiń tamyz aıynda jańa týǵan nárestesin kelisim boıynsha erli-zaıyptylarǵa asyraý úshin bergenin anyqtady. Bul oqıǵa boıynsha sotqa deıingi tergep-tekserý bastaldy. Tergeý jáne jedel is-sharalar júrgizilip jatyr», - dedi Qanat Nurmaǵambetov.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT