+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

BQO-da órt sóndirý bóliminiń bastyǵyn óltirgen qylmysker 11 jylǵa sottaldy

2021 jylǵy 20 qyrkúıek 18:35
Bólisińiz:
BQO-da órt sóndirý bóliminiń bastyǵyn óltirgen qylmysker 11 jylǵa sottaldy

ORAL. QazAqparat – Aqjaıyq aýdandyq №2 sotynda Rýslan Makıshevke qatysty úkim shyǵaryldy, dep habarlaıdy QazAqparat tilshisi.

Uqsas jańalyqtar
SQO-da qoǵamdyq oryndarda mas júrgen 10 myńnan astam adam ustaldy Aqmolada taksı júrgizýshisin qaraqshylyqpen óltirgender 18 jylǵa sottaldy Aıajan Edilovany zorlap, óltirgen kúdiktiniń isi sotqa jetti

BQO sotynan alynǵan málimetke qaraǵanda, 1992 jylǵy R.Makıshev QR QK 106-baby 3-bóligine sáıkes aıypty dep tanyldy.

Ol 11 jylǵa bas bostandyǵynan aıyrý jazasyn qaýipsizdigi barynsha joǵary qylmystyq-atqarý júıesi mekemesinde óteýge sottaldy.

Sot jaza taǵaıyndaǵan kezde buryn sottalǵan R.Makıshevtiń áreketinde qylmystardyń qaıtalanýy bar ekendigin eskerdi.

Sot talqysynda málim bolǵanyndaı, bıylǵy aqpan aıynyń ishinde Aqjaıyq aýdany Qaraýyltóbe aýylynyń turǵyny R.Makıshev «Folksvagen Sharan» avtokóligin jyly jerge ornalastyrmaq bolyp, BQO TJ departamenti №27 órt sóndirý beketiniń arnaıy qoımasyna zańsyz qoıǵan. Sóıtip tótenshe jaǵdaı bola qalǵan órt sóndirý tehnıkalarynyń oqıǵa bolǵan jerge ýaqtyly shyǵa almaý qaýpin tóndirgen. Kelesi kúni tańmen órt sóndirý bóliminiń bastyǵy Aqan Nurǵalıev atalmysh avtokólikti kórip, syrtqa shyǵartqyzyp tastaǵan.

Keıin naýryz aıynda A.Nurǵalıev túngi mezgilde R.Makıshevtiń araq ishken mas kúıinde kelip, kezekshiliktegi qyzmetkerlerdiń qalypty qyzmet etýine kedergi keltirip júrgenin bilgen. Sodan keıin ony shaqyrtyp alyp, avtokóligin ruqsatsyz qoıǵany jáne mas kúıinde qyzmetkerdiń mazasyn alǵany úshin eskertý jasap, sondaı áreketteri qaıtalanatyn bolsa, polıtsııaǵa habarlaıtynyn aıtqan.

Alaıda 25 naýryz kúni saǵat 22.30 shamasynda R.Makıshev mas kúıinde órt sóndirý bólimine qaıta kelip, kezekshilikte bolǵan júrgizýshi N.Mursalımovtan bastyǵyn shaqyrtýyn talap etken. Ruqsatsyz qyzmet bólmesine kirip, óziniń zańsyz is-áreketterin jasyrý maqsatynda beınekameralardy syndyryp, isten shyǵarǵan.

Qyzmet ornyna kelgen A.Nurǵalıev R.Makıshevten úıine baryp, demalýyn ótingen. Áıtse de R.Makıshev onyń zańdy talabyna baǵynbaı, qyzmet kıiminiń jaǵasynan alyp, kúsh qoldanǵan. Aqyry A.Nurǵalıev betine tıgen soqqylar saldarynan oqıǵa ornynda esinen aıyrylǵan.

A.Nurǵalıev esin jıyp, óz-ózine durys kelmesten, bas kıimsiz, jalań aıaq R.Makıshevtiń úıine baryp, syrtqa shaqyrǵan. Sottalýshy úıdiń aýlasyna shyǵyp, taǵy da áldeneshe ret soqqy jumsaǵan.

A.Nurǵalıev áke-sheshesiniń úıine baryp, jazǵy saraı ishinde esinen aıyrylyp qalǵan. 26 naýryz kúni saǵat 08.30-da ony es-tússiz kúıinde jeńgesi tapqan. Aqjaıyq aýdandyq aýrýhanasyna jetkizilgenimen, bir kúnnen keıin saǵat 05.03-te A.Nurǵalıev alǵan jaraqattary saldarynan qaıtys boldy.

R.Makıshev kinásin ishinara moıyndap, jábirlenýshini óltirý oıynda bolmaǵanyn jetkizdi.

Sot úkimi zańdy kúshine engen joq.

Eske sala keteıik, budan buryn BQO-da tóbeleste aýyr jaraqat alǵan er adamnyń aýrýhanada kóz jumǵanyn jazǵan bolatynbyz.




Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT