+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

BQO-da múmkindigi shekteýli otbasyna qaıyrymdy jandar úı alyp berdi

2020 jylǵy 3 maýsym 04:33
Bólisińiz:
BQO-da múmkindigi shekteýli otbasyna qaıyrymdy jandar úı alyp berdi

ORAL. QazAqparat – BQO-nyń Terekti aýdanynda aýyl turǵyny Amanjan Esenov qaıyrymdy jandardyń kómegimen úıli boldy, dep habarlaıdy QazAqparat tilshisi.

Uqsas jańalyqtar
Batys Qazaqstanda naızaǵaı oınap, burshaq jaýýy yqtımal Batys Qazaqstanda alty kúnde 3 myńǵa jýyq talapker UBT synaǵynan ótti

Aýdandyq «Birlik» qoǵamdyq birlestiginiń tóraǵasy, teolog Baǵdat Adaıhannyń sózine qaraǵanda, A.Esenov Abaı aýylyna ótken jyly kúzde kóship kelgen.

Birlestiktiń jumysy namaz oqıtyn jamaǵattyń halin bilip, járdemdesý bolǵandyqtan, B.Adaıhan A.Esenovtiń de jaǵdaıymen tanysqan. Ózi – birinshi top múgedegi, zaıyby Gúlbaqyttyń densaýlyǵynda da kinárat bolyp shyqty. Erli-zaıyptylardyń Abaı aýylynan alǵan úıleri qulaǵaly turǵan, tipti jóndeýge de kelmeıdi eken.

Esenovter otbasynyń osy múshkil halin Terekti aýdandyq «Terekti jańalyǵy» gazetiniń redaktory Ádilet Orynbasarov ta kózimen kórip, másele etip kóterip, halyqty qarjylaı úles qosýǵa shaqyrdy.

«Birlik» qoǵamdyq birlestigimen birlese otyryp, janashyr adamdardyń qoldaýymen bir aıǵa jeter-jetpes ýaqytta qajetti qarjy (1 mln teńge) jınaldy. Qaıyrymdylyq tanytqandar arasynda oblys qana emes, sonaý Amerıkada turatyn qandastarymyz da bar. Osylaısha Amanjan baýyrymyz Aqjaıyq aýylyndaǵy tórt bólmeli úıge qol jetkizdi», deıdi Á.Orynbasarov.

Baspana kiltin Oraldan arnaıy kelgen BQO ortalyq meshitiniń naıb ımamy Samat Álibaev tapsyrdy. Aqjaıyq aýyldyq okrýginiń ákimi Bolat Qadralıevtiń de Esenovter otbasyna azyq-túlikten kómektesip turatyndyǵyn aıta ketken jón.

Eske sala keteıik, budan buryn BQO-da volonterdiń uıymdastyrýymen taǵy bir jalǵyzbasty ananyń baspanaly bolǵanyn, Oralda 284 otbasynyń páterge qol jetkizgenin jazǵan bolatynbyz.





Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT