+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

BQO-da malda koronavırýstyń bar-joǵyn anyqtaıtyn zerthana ashyldy

2020 jylǵy 21 qyrkúıek 21:55
Bólisińiz:
BQO-da malda koronavırýstyń bar-joǵyn anyqtaıtyn zerthana ashyldy

ORAL. QazAqparat – Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń synaý ortalyǵynda bıotehnologııa jáne juqpaly aýrýlardy dıagnostıkalaý zerthanasy ashyldy, dep habarlaıdy QazAqparat tilshisi.

Jańa zerthana túrli juqpaly aýrýlardy, sonyń ishinde koronavırýs indetin tereńirek zertteýge múmkindik beredi.

Ýnıversıtet rektory Asqar Nametovtiń málim etkenindeı, zerthana joǵary patogendi aýrýlardy zertteýge ruqsat alǵan. Jumysty tıisti deńgeıde júrgizý úshin ýnıversıtet ǵalymdary men mamandary AQSh-ta biliktilikterin jetildirip qaıtty.

Kelisimshart boıynsha zerthanaǵa qajetti bıomaterıaldardy «Medıker» medıtsınalyq ortalyǵy jetkizedi. Zerthanada 6 qyzmetker eńbek etedi. Osy kezge deıin zerthana ǵalymdary COVID-19-ǵa 500-den astam taldaý jasap úlgergen. Aldaǵy ýaqytta munyń sany kóbeıe túspekshi. Óıtkeni AQSh pen Qytaıdan ákelingen arnaıy qurylǵylar synamalardy avtomatty túrde jedel anyqtaıdy.

Zerthanada sonymen qatar basqa da zertteýler qolǵa alynbaq.

«Jarqanat – koronavırýs indetiniń taralýynyń negizgi oshaǵy retinde qarastyrylyp otyrǵany belgili. Alaıda Qazaqstandaǵy jarqanat áli zerttelmegen. Sol sebepti Otar ǵylymı zertteý ınstıtýtymen birlese otyryp, zertteý jumystaryn qolǵa aldyq. Jarqanattyń juqpaly aýrýlardy taratýǵa qanshalyqty sebepker ekendigin anyqtasaq, bul medıtsınamyzǵa da, veterınarııa salasyna da úlken qoldaý bolmaq. Mal aýrýlarynyń arasynda koronavırýstyń ózge túrleriniń bar ekeni anyq. Endi COVID-19-dyń malǵa qanshalyqty áser etetindigin zertteıtin bolamyz. Qytaı qazirgi tańda Qazaqstannan jetkiziletin iri qara mal etiniń koronavırýstan taza ekendigin rastaıtyn sertıfıkat talap ete bastady. Ýnıversıtet ǵalymdary zamanaýı tehnologııanyń arqasynda maldyń aýrýdan ada ekendigin anyqtaýda. Buǵan deıin Qazaqstanda mundaı taldaýlar jasalǵan joq. Ázirge elimiz boıynsha iri qara maldaǵy COVID-19-dy anyqtaıtyn jalǵyz ýnıversıtetpiz», - dedi A.Nametov.

Kez kelgen patogendi juqpa sekildi COVID-19 da mýtatsııalanady. Sondyqtan ýnıversıtet ǵalymdary zertteý jumystaryn júıeli júrgizýdi maqsat etip otyr.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059

MURAǴAT