+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

BQO-da qyzylshamen aýyrý oqıǵalary tirkelgen joq

2019 jylǵy 28 qańtar 13:42
Bólisińiz:
BQO-da qyzylshamen aýyrý oqıǵalary tirkelgen joq

ORAL. QazAqparat - Batys Qazaqstan oblysynda sońǵy úsh jylda qyzylshamen aýyrý oqıǵalary tirkelgen joq. Bul týraly oblystyq qoǵamdyq densaýlyq saqtaý departamentiniń basshysy Jaıdar Qurmanov aıtty, dep habarlaıdy QazAqparat tilshisi.

Onyń aıtýynsha, óńirde qyzylshanyń aldyn alý maqsatynda tıisti is-sharalar atqarylýda.

«Oblystyq densaýlyq saqtaý basqarmasynda qyzylshanyń aldyn alý boıynsha óńirlik shtabtyń eki otyrysy ótti. Budan basqa medıtsınalyq uıymdar mektepterdegi medıtsına qyzmetkerleriniń qyzylshaǵa qyraǵylyǵyn kúsheıtý maqsatynda oqytý semınarlary men dóńgelek ústelder ótkizýde. Ata-analardyń ortaq chattaryna qyzylshanyń aldyn alý jóninde jadynamalar joldandy. Qyzylshaǵa qarsy qaýipsiz vaktsınanyń qory oblysta jetkilikti. Qyzylsha aýrýyna qatysty barlyq suraqtar boıynsha oblysta Call ortalyqtar jumys jasaıdy, tel.nómirleri 8 7112 518255, 24 00 06», - dedi QazAqparat tilshisine Jaıdar Bısenbaıuly.

Departament basshysynyń sózine qaraǵanda, sońǵy kezde álemniń kóptegen elderinde qyzylsha aýrýy asqynyp ketip otyr. Eýropa memleketterinde, sonyń ishinde Qazaqstanmen shekaralas elderde qyzylshanyń tirkelýi ınfektsııanyń ósýine alyp keldi. Adamdardyń egilmeýi, sonyń ishinde bolashaq analardyń bolýy turǵyndar arasynda qyzylshanyń taralýyna jol ashyp otyr.

Aıta keteıik, qyzylsha - dene qyzýynyń joǵarylaýy, jótel, muryn bitýi, tamaqtyń aýyrýy jáne bórtpemen sıpattalatyn juqpaly aýrý. Aýrý adam arqyly beriledi.

Qyzylshadan jalǵyz tıimdi qorǵaný vaktsınatsııa bolyp tabylady. Qazaqstanda qyzylshaǵa qarsy egý eki ret júrgiziledi: birinshisi 1 jasta jáne ekinshisi 6 jasta. Qyzylshaǵa qarsy vaktsınatsııalaý úshin qyzamyq jáne parotıtti komponenttermen biriktirilgen (QQP) qaýipsiz jáne tıimdi vaktsına qoldanylady.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT