+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

BQO-da koronavırýs juqtyrǵan adamdar kóbeıip barady – ákim

2020 jylǵy 24 maýsym 16:21
Bólisińiz:
BQO-da koronavırýs juqtyrǵan adamdar kóbeıip barady – ákim

ORAL. QazAqparat – Batys Qazaqstan oblysynda koronavırýs juqtyrǵan adamdar kóbeıip barady, dep habarlaıdy QazAqparat tilshisi.

Uqsas jańalyqtar
Koronavırýs statıstıkasy óskenine alańdamaý kerek - Almaty ákimi Almatylyq ınfektsıonıst koronavırýstan saqtaný jáne emdelý jónindegi basty suraqtarǵa jaýap berdi Shymkentte  koronavırýstan 3,3 myń naýqas emdelip shyqty

Oblys ákimi Ǵalı Esqalıevtiń jelidegi paraqshasynda málim etkenindeı, kún saıyn óńirde koronavırýs ınfektsııasyn juqtyrǵan, aýrýdyń aıqyn belgileri bar (jótel, dene qyzýy jáne t.b.) 30-35 adam tirkeledi. Aýrý belgileri joq naýqastar da kóptep anyqtalýda.

«Biz qosymsha aýrýhanalardy iske qosyp jatqanymyzdyń ózinde koronavırýsqa shaldyqqan adamdar sany kún saıyn artyp, jańadan ashylǵan oryndar tez tolyp qalýda. Dárigerler men medbıkeler aýrýmen kúnde kúresip, birneshe aıdan beri tynym tappaı eńbek etýde», dep jazady óńir basshysy.

Bul óte qaýipti aýrý jáne onyń bar ekenine kópshiliktiń kózi jetti. Óıtkeni dertke týysqan, dostar, áriptester shaldyǵýda. Kúni búgin 15 adam ókpeni jasandy jeldetý apparatyna, 21 adam ottegi apparatyna qosylyp jatyr.

Osyndaı jaǵdaıǵa qaramastan, keıbir azamattar áli de kópshiliktiń qatysýymen ótetin is-sharalar (týǵan kúnder, sadaqa, toılar) uıymdastyryp júr.

Aýrý juqtyrǵan naýqastarmen júrgizgen saýalnamalarǵa qaraǵanda, kóptegen adamdar osyndaı sharalardan soń aýyra bastaǵan. Keıin osyndaı jaýapkershiligi tómen adamdar vırýsty óz otbasylaryna, birge jumys jasaıtyn áriptesterine juqtyrady.

Osyndaı anyqtalǵan derekter boıynsha materıaldar sotqa joldandy. Biraq barlyǵyn baqylaý múmkin emes. Osy rette qoǵamnyń qoldaýy qajet.

Qazirgi jaǵdaı óte kúrdeli ekenin túsiný qajet. Otbasylyq jáne kópshilik sharalardy ótkizbeý kerek. Shuǵyl qajet bolmasa, kóp adamdar shoǵyrlanǵan jerlerge shyqpaǵan jón. «Sizdiń jáne jaqyn adamdaryńyzdyń densaýlyǵy men ómiri eń aldymen ózińizge baılanysty. Sanıtarlyq jáne shekteý sharalardy buzatyn adamdarǵa eskertý jasap, avtobýstar men dúkenderde qorǵanys sharalaryn saqtaýdy talap etińiz.

Al azyq-túlik, qajetti zattar jáne dári-dármekterge bara almaıtyn muqtaj adamdar «109» nómirine ótinish qaldyra alatyny týraly aıtqym keledi. Bizdiń eriktiler olarǵa bar qajetti zattardy jetkizýge kómektesedi. Bul pandemııany jeńýge bolady. Biraq bári ózimizge baılanysty», dep baǵyttady sózin óńir turǵyndaryna Ǵ.Esqalıev.

Eske sala keteıik, budan buryn Oralda sanıtarlyq talaptardy saqtamaǵan 11 nysannyń qyzmeti toqtatylǵanyn jazǵan bolatynbyz.




Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT