+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

BQO-da koronavırýs juqtyrǵan 40 naýqas aýyr halde jatyr

2021 jylǵy 10 qyrkúıek 14:13
Bólisińiz:
BQO-da koronavırýs juqtyrǵan 40 naýqas aýyr halde jatyr

ORAL. QazAqparat – Batys Qazaqstan oblysynda 96 tósektik jansaqtaý bólimshesinde 40 naýqas emdelýde, dep habarlaıdy QazAqparat tilshisi.

Uqsas jańalyqtar
Soltústik Qazaqstanda sońǵy úsh aıda koronavırýstan 225 adam qaıtys bolǵan Batys Qazaqstanda 40 myńnan astam adam tumaýǵa qarsy ekpe saldyrdy Qazaqstanda jylyna 150 adamnyń júregin aýystyrý qajet - ıÝrıı Pıa

BQO densaýlyq saqtaý basqarmasy basshysynyń orynbasary Gúlnár Ábdirahmanovanyń óńirlik kommýnıkatsııalar qyzmeti alańynda ótken brıfıngide málim etkenindeı, olardyń 35-i aýyr jáne beseýi asa aýyr halde.

Invazıvti jasandy tynys alý apparatyna 5, ınvazıvti emes osyndaı qurylǵyǵa 23 naýqas qosylǵan.

Jansaqtaý bólimshesinde jatqandardyń 28-i júrek-qan tamyrlary, 8-i qant dıabetine shaldyqqan.

Gúlnár Maqsotqyzynyń sózine qaraǵanda, oblystyq jedel járdem stansasyna sońǵy táýlikte 872 qońyraý shalynsa, sonyń 47-si KVI-ge qatysty bolyp, 27 naýqas statsıonarǵa jatqyzyldy.

Qazirgi kezde oblysta 1373 adam ambýlatorlyq em alýda, olardyń 62,5 paıyzynda aýrý jeńil ótýde, 15,8 paıyzynda ortasha aýyr, 21,5 paıyzy – sımptomsyz naýqastar.

Koronavırýs juqtyrý kórsetkishiniń tómendeýine baılanysty ınfektsııalyq statsıonarlardaǵy tósek sany 1459-dan 1063-ke qysqardy. Kúni búgin qalalyq kópbeıindi aýrýhanada ınfektsııalyq tósek-oryndar jabylyp, dárigerler shtattyq rejımde jumys jasaýǵa kóshti. Naýqastardy josparly jáne shuǵyl túrde qabyldaý isi qaıta jalǵastyryldy.

«Oblystaǵy 1063 tósektik 19 ınfektsııalyq statsıonarda barlyǵy 505 naýqas em qabyldaýda. Olardyń ishinde vaktsına alǵandar úlesi – 4 paıyz, jaǵdaılary ortasha. Bul aýyryp jatqandardyń deni vaktsına almaǵan turǵyndar ekendigin kórsetedi. Pandemııa bastalǵannan beri indet juqtyrǵan 35 928 adamnyń 27 850-i nemese 77,8 paıyzy jazylyp shyqty. Solardyń ishinde 13 171-i statsıonarlyq, 14 804-i ambýlatorııalyq em aldy. Barlyǵy 705, bıyl 536 adam koronavırýstan kóz jumdy», dedi G.Ábdirahmanova.

Eske sala keteıik, budan buryn Batys Qazaqstanda 209 myńǵa jýyq adamnyń koronavırýsqa qarsy vaktsına saldyrǵanyn, 1,4 myńǵa jýyq naýqastyń ambýlatorııada emdelip júrgenin jazǵan bolatynbyz.

Sondaı-aq BQO mektepterinde 130 oqýshydan koronavırýs anyqtaldy.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT