BQO-da kólde aǵyp ketken 8 jasar bala úsh kúnnen keıin tabyldy
2022 jylǵy 25 maýsym 18:34

BQO-da kólde aǵyp ketken 8 jasar bala úsh kúnnen keıin tabyldy

ORAL. QazAqparat – Batys Qazaqstan oblysynda Shalqar kólinde aǵyp ketken 8 jasar bala úsh kúnnen keıin tabyldy, dep habarlaıdy QazAqparat tilshisi.

BQO TJD baspasóz qyzmetinen túsken málimetke qaraǵanda, 25 maýsym kúni saǵat 15:50-de balanyń denesi Terekti aýdany Rybtseh pen Shalqar aýyldarynyń arasynda kól jaǵalaýynan tabylǵan.

«Balany izdestirý jumystaryna TJD kúshterimen qatar, jergilikti turǵyndar, eriktiler jumyldyryldy. Qazirgi kezde saraptama taǵaıyndaldy. Sonyń qorytyndysyna sáıkes ólimniń sebebi anyqtalady», - dep habarlady vedomstvodan.

Eske sala keteıik, budan buryn BQO-da kólde joǵalyp ketken 8 jasar bala men onyń atasy ushaqpen izdestirilip jatqanyn jazǵan bolatynbyz.

Balanyń atasy kóp uzamaı aman-esen tabyldy.

Uqsas jańalyqtar

Jańalyqtar

Úrdis

MURAǴAT